గ్రేటర్ హైదరాబాదు మునిసిపల్ కార్పొరేషన్ ఎన్నికల్లో ఘన విజయం సాధించిన టీఆర్ఎస్ సర్కారు... గ్రేటర్ వరంగల్ మునిసిపల్ కార్పొరేషన్, ఖమ్మం నగర పాలక సంస్థల్లో ఎన్నికల నగారా మోగించింది. ఈ మేరకు ఎన్నికల సంఘం షెడ్యూల్ ను కొద్దిసేపటి క్రితం విడుదల చేసింది. ఈ షెడ్యూల్ ప్రకారం... రేపటి నుంచి ప్రారంభం కానున్న నామినేషన్ల దాఖలు ఈ నెల 24న ముగియనుంది. ఈ నెల 25న నామినేషన్ల పరిశీలన జరగనుండగా, 26 సాయంత్రం వరకు నామినేషన్ల ఉపసంహరణకు తుది గడువుగా నిర్ణయించింది. వచ్చే నెల (మార్చి) 6న రెండు కార్పొరేషన్లకు ఎన్నికలు జరగనుండగా, అదే నెల 9న కౌంటింగ్ జరగనుంది.