బ్రేక్ ఫాస్ట్, లంచ్, డిన్నర్... ఏదయినా రోబోలే అందిస్తాయి!

ఆధునిక సాంకేతికను జపనీయులు వినియోగించుకున్నంత గొప్పగా ఇంకెవరూ వాడుకోరేమో. సాంకేతిక వ్యవస్థను అందిపుచ్చుకోవడంలో అందరికంటే ముందుండే జపాన్ తాజాగా మరో కొత్త ఘనతను సొంతం చేసుకోనుంది. పూర్తిస్థాయిలో రోబోలతో సేవలందించేందుకు ఓ హోటల్ సిద్ధమవుతోంది. ప్రపంచంలోనే రోబోలతో నడిచే తొలి హోటల్ గా ఇది చరిత్రకెక్కనుంది. జూలైలో దీనిని ప్రారంభిస్తామని నాగసాకి ప్రాంతానికి చెందిన హోటల్ యజమాని తెలిపారు. ఈ హోటల్ ను పూర్తిగా డచ్ శైలిలో నిర్మిస్తామని ఆయన పేర్కొన్నారు. హుయ్ టెన్ బోష్ అనే ధీమ్ పార్కులో దీనిని ఏర్పాటు చేయనున్నారు. రోబోలను సిబ్బందిగా నియోగించడం వల్ల నిర్వహణా వ్యయం చాలా వరకు తగ్గుతుందని ఆయన వెల్లడించారు.