లియాండర్ పేస్ పై బాంద్రా పోలీస్ స్టేషన్ లో ఫిర్యాదు
టెన్నిస్ ఆటగాడు లియాండర్ పేస్ పై మోడల్ రియా పిళ్లై ముంబయిలోని బాంద్రా పోలీస్ స్టేషన్ లో ఫిర్యాదు చేసింది. తనను ఇంటినుంచి బయటికి పంపేందుకు పేస్ ప్రయత్నిస్తున్నాడంటూ ఫిర్యాదులో పేర్కొంది. కాగా, తమ ఎనిమిదేళ్ల కుమార్తె అయానా సంరక్షణ బాధ్యతలు శాశ్వతంగా తనకు అప్పగించాలంటూ కొన్ని రోజుల కిందట పేస్ ముంబైలోని ఫ్యామిలీ కోర్టులో పిటిషన్ దాఖలు చేశాడు. రియా మానసిక స్థితి బాగోలేదని, కుమార్తె విషయంలో ఆమె ఎప్పుడూ బాధ్యతగా వ్యవహరించలేదని ఆరోపించాడు. వివాహం చేసుకోకుండా కొన్నాళ్ల నుంచి సహజీవనం చేస్తున్న పేస్, రియాకు ఓ కుమార్తె జన్మించింది.