పొట్ట తగ్గడం లేదా? అప్పర్‌ బెల్లీ ఫ్యాట్‌కు చెక్‌ పెట్టాలంటే డైట్‌లో ఇవి తప్పనిసరి!
- చక్కెర, మైదా వల్ల పెరిగే పొట్ట కొవ్వు
- ప్రొటీన్‌ ఫుడ్‌ ఎక్కువసేపు ఆకలి వేయదు
- జీర్ణక్రియకు ఫైబర్‌ తోడ్పాటు
- ఓట్స్‌, చిరుధాన్యాలు మంచి ఎంపిక
- కూల్‌డ్రింక్స్‌, వేయించిన ఆహారం తగ్గించాలి
- డైట్‌తో పాటు వ్యాయామం తప్పనిసరి
బరువు తగ్గినా.. పొట్ట మాత్రం తగ్గడం లేదా? ముఖ్యంగా పొట్ట పై భాగంలో కొవ్వు పేరుకుపోతుంటే దాన్ని కేవలం అందానికి సంబంధించిన సమస్యగా చూడొద్దని నిపుణులు చెబుతున్నారు. దీన్నే ‘అప్పర్‌ బెల్లీ ఫ్యాట్‌’ అంటారు. పొట్టలోని అవయవాల చుట్టూ పేరుకునే ఈ కొవ్వు మధుమేహం, అధిక రక్తపోటు, గుండె జబ్బుల ముప్పును పెంచొచ్చు. అయితే సరైన ఆహారపు అలవాట్లతో దీన్ని క్రమంగా తగ్గించుకోవచ్చు.
అప్పర్‌ బెల్లీ ఫ్యాట్‌ ఎందుకు వస్తుంది?
అప్పర్‌ బెల్లీ ఫ్యాట్‌కు ప్రధాన కారణాల్లో ఆహారపు అలవాట్లు ముఖ్యమైనవి. చక్కెర ఎక్కువగా ఉండే పదార్థాలు, మైదా, వేయించిన ఆహారం, ప్యాకేజ్డ్‌ స్నాక్స్‌, అధికంగా ప్రాసెస్‌ చేసిన ఆహారం తీసుకోవడం వల్ల శరీరంలో అదనపు కొవ్వు పేరుకుపోవచ్చు. ఒత్తిడి, నిద్రలేమి కూడా ప్రభావం చూపుతాయి. ఒత్తిడి పెరిగినప్పుడు కార్టిసోల్‌ స్థాయులు మారొచ్చు. వయసు పెరిగేకొద్దీ జీవక్రియలో వచ్చే మార్పులతోనూ పొట్ట చుట్టూ కొవ్వు చేరే అవకాశం ఉంటుంది.
ప్లేట్‌లో ప్రొటీన్‌, ఫైబర్‌ పెంచండి
పొట్ట కొవ్వు తగ్గించుకోవాలంటే రోజువారీ ఆహారంలో ప్రొటీన్‌, ఫైబర్‌ ఎక్కువగా ఉండే పదార్థాలకు ప్రాధాన్యం ఇవ్వాలి. గుడ్లు, పప్పులు, చేపలు, గ్రీక్‌ యోగర్ట్‌ వంటి ప్రొటీన్‌ ఆహారాలు ఎక్కువసేపు కడుపు నిండిన భావన కలిగిస్తాయి. పండ్లు, కూరగాయలు, సంపూర్ణ ధాన్యాలు, పప్పుధాన్యాల్లో ఉండే ఫైబర్‌ జీర్ణక్రియకు తోడ్పడుతుంది. ఓట్స్‌, చిరుధాన్యాలు, బ్రౌన్‌ రైస్‌, క్వినోవా వంటి మంచి కార్బోహైడ్రేట్లను ఎంచుకోవడం కూడా ఉపయోగకరంగా ఉంటుంది.
చక్కెరకు దూరంగా.. ఆరోగ్యకరమైన కొవ్వులకు దగ్గరగా
కూల్‌డ్రింక్స్‌, ప్యాకేజ్డ్‌ జ్యూస్‌లు, స్వీట్లు, మైదా పదార్థాలు, వేయించిన ఆహారం, ప్రాసెస్‌ చేసిన స్నాక్స్‌ను తగ్గించాలి. నట్స్‌, విత్తనాలు, అవకాడో, ఆలివ్‌ ఆయిల్‌ వంటి ఆరోగ్యకరమైన కొవ్వులను పరిమిత మోతాదులో తీసుకోవచ్చు. రాత్రివేళ ఎక్కువగా తినకుండా ఉండటం, ఆహారం పరిమాణాన్ని నియంత్రించడం, తగినంత నీరు తాగడం కూడా ముఖ్యం.
డైట్‌తో పాటు వ్యాయామం కూడా
డైట్‌ ఒక్కటే పొట్ట కొవ్వును తగ్గించడానికి సరిపోదు. క్రమం తప్పకుండా వ్యాయామం చేస్తూ రోజువారీ క్యాలరీల సమతుల్యతను పాటిస్తే ఫలితాలు మెరుగ్గా ఉంటాయి. అకస్మాత్తుగా బరువు పెరగడం లేదా హార్మోన్ల సమస్యలు ఉంటే వైద్యుడిని సంప్రదించడం మంచిది.
అప్పర్‌ బెల్లీ ఫ్యాట్‌ ఎందుకు వస్తుంది?
అప్పర్‌ బెల్లీ ఫ్యాట్‌కు ప్రధాన కారణాల్లో ఆహారపు అలవాట్లు ముఖ్యమైనవి. చక్కెర ఎక్కువగా ఉండే పదార్థాలు, మైదా, వేయించిన ఆహారం, ప్యాకేజ్డ్‌ స్నాక్స్‌, అధికంగా ప్రాసెస్‌ చేసిన ఆహారం తీసుకోవడం వల్ల శరీరంలో అదనపు కొవ్వు పేరుకుపోవచ్చు. ఒత్తిడి, నిద్రలేమి కూడా ప్రభావం చూపుతాయి. ఒత్తిడి పెరిగినప్పుడు కార్టిసోల్‌ స్థాయులు మారొచ్చు. వయసు పెరిగేకొద్దీ జీవక్రియలో వచ్చే మార్పులతోనూ పొట్ట చుట్టూ కొవ్వు చేరే అవకాశం ఉంటుంది.
ప్లేట్‌లో ప్రొటీన్‌, ఫైబర్‌ పెంచండి
పొట్ట కొవ్వు తగ్గించుకోవాలంటే రోజువారీ ఆహారంలో ప్రొటీన్‌, ఫైబర్‌ ఎక్కువగా ఉండే పదార్థాలకు ప్రాధాన్యం ఇవ్వాలి. గుడ్లు, పప్పులు, చేపలు, గ్రీక్‌ యోగర్ట్‌ వంటి ప్రొటీన్‌ ఆహారాలు ఎక్కువసేపు కడుపు నిండిన భావన కలిగిస్తాయి. పండ్లు, కూరగాయలు, సంపూర్ణ ధాన్యాలు, పప్పుధాన్యాల్లో ఉండే ఫైబర్‌ జీర్ణక్రియకు తోడ్పడుతుంది. ఓట్స్‌, చిరుధాన్యాలు, బ్రౌన్‌ రైస్‌, క్వినోవా వంటి మంచి కార్బోహైడ్రేట్లను ఎంచుకోవడం కూడా ఉపయోగకరంగా ఉంటుంది.
చక్కెరకు దూరంగా.. ఆరోగ్యకరమైన కొవ్వులకు దగ్గరగా
కూల్‌డ్రింక్స్‌, ప్యాకేజ్డ్‌ జ్యూస్‌లు, స్వీట్లు, మైదా పదార్థాలు, వేయించిన ఆహారం, ప్రాసెస్‌ చేసిన స్నాక్స్‌ను తగ్గించాలి. నట్స్‌, విత్తనాలు, అవకాడో, ఆలివ్‌ ఆయిల్‌ వంటి ఆరోగ్యకరమైన కొవ్వులను పరిమిత మోతాదులో తీసుకోవచ్చు. రాత్రివేళ ఎక్కువగా తినకుండా ఉండటం, ఆహారం పరిమాణాన్ని నియంత్రించడం, తగినంత నీరు తాగడం కూడా ముఖ్యం.
డైట్‌తో పాటు వ్యాయామం కూడా
డైట్‌ ఒక్కటే పొట్ట కొవ్వును తగ్గించడానికి సరిపోదు. క్రమం తప్పకుండా వ్యాయామం చేస్తూ రోజువారీ క్యాలరీల సమతుల్యతను పాటిస్తే ఫలితాలు మెరుగ్గా ఉంటాయి. అకస్మాత్తుగా బరువు పెరగడం లేదా హార్మోన్ల సమస్యలు ఉంటే వైద్యుడిని సంప్రదించడం మంచిది.
