తమిళనాడు సీఎం విజయ్‌తో దిల్ రాజు భేటీ

ముఖ తెలుగు సినీ నిర్మాత దిల్ రాజు, తమిళనాడు ముఖ్యమంత్రి, నటుడు విజయ్‌ను చెన్నైలో మర్యాదపూర్వకంగా కలిశారు. విజయ్ పుట్టినరోజును పురస్కరించుకుని దిల్ రాజు ఆయనకు ప్రత్యేకంగా శుభాకాంక్షలు తెలియజేశారు. ఈ సందర్భంగా విజయ్‌కు పుష్పగుచ్ఛం అందించి తన అభిమానాన్ని చాటుకున్నారు. వీరిద్దరి మధ్య భేటీ ఎంతో ఆత్మీయంగా, ఆహ్లాదకర వాతావరణంలో జరిగింది.

ఈ భేటీకి సంబంధించిన ఫొటోలు ప్రస్తుతం సోషల్ మీడియాలో వైరల్‌గా మారాయి. దిల్ రాజు గతంలో విజయ్ హీరోగా 'వారిసు' అనే భారీ చిత్రాన్ని నిర్మించిన విషయం తెలిసిందే. ఈ సినిమా తెలుగులో 'వారసుడు' పేరుతో విడుదలైంది. ఆ సినిమా సమయం నుంచి వీరిద్దరి మధ్య మంచి అనుబంధం కొనసాగుతోంది. ఇప్పుడు విజయ్ రాజకీయాల్లోకి ప్రవేశించి ముఖ్యమంత్రి పదవిని చేపట్టిన తర్వాత దిల్ రాజు తొలిసారిగా ఆయనను కలిశారు.