భారత్లోని హిందువులే లక్ష్యం.. దాడులకు ఐసిస్ అనుబంధ గ్రూపుల పిలుపు!
- కౌంటర్ ఎక్స్ట్రీమిజం ప్రాజెక్ట్ నివేదికలో వెల్లడి
- పశ్చిమ బెంగాల్, అసోం, త్రిపుర రాష్ట్రాలను పేర్కొన్న ఉగ్రవాదులు
- అమెరికాలో ఇటీవల జరిగిన దాడులను ప్రశంసించిన ఐసిస్
- ఆన్లైన్ ద్వారా విస్తృతంగా నియామకాలు, ప్రచారం
భారత్ సహా దక్షిణాసియా దేశాల్లోని హిందువులే లక్ష్యంగా దాడులకు దిగాలంటూ ఐసిస్ అనుబంధ తీవ్రవాద నెట్వర్క్లు పిలుపునిచ్చాయి. ఆన్లైన్ ద్వారా నియామకాలను విస్తృతం చేస్తూనే, ఇటీవల అమెరికాలో జరిగిన హింసాత్మక ఘటనలను ప్రశంసిస్తున్నాయని కౌంటర్ ఎక్స్ట్రీమిజం ప్రాజెక్ట్ (సీఈపీ) విడుదల చేసిన ఓ తాజా నివేదిక హెచ్చరించింది.
సీఈపీ నివేదిక ప్రకారం.. మార్చి 9వ తేదీన ఐసిస్ అనుకూల యూజర్ ఒకరు హిందువులను లక్ష్యంగా చేసుకుని దాడులు చేయాలంటూ ఓ సందేశాన్ని పోస్ట్ చేశారు. ఈ సందేశంలో బంగ్లాదేశ్, మయన్మార్తో పాటు భారత్లోని పశ్చిమ బెంగాల్, అసోం, త్రిపుర, మణిపూర్ రాష్ట్రాలను ప్రత్యేకంగా ప్రస్తావించారు. ఆ తర్వాత ఈ పిలుపును 'రాకెట్చాట్' వంటి ఇతర ప్లాట్ఫామ్లలో కూడా షేర్ చేయడంతో తీవ్రవాద నెట్వర్క్లలో ఇది విస్తృతంగా వ్యాపించింది.
అంతేకాకుండా, అమెరికాలో ఇటీవల జరిగిన హింసాత్మక ఘటనలను కూడా ఐసిస్ మద్దతుదారులు ఆన్లైన్లో ప్రశంసించినట్లు నివేదిక తెలిపింది. న్యూయార్క్లో మార్చి 7న జరిగిన దాడి యత్నం, మార్చి 12న ఓల్డ్ డొమినియన్ యూనివర్సిటీలో జరిగిన కాల్పుల ఘటనలను వారు వేడుకగా జరుపుకున్నారు. యూనివర్సిటీలో కాల్పులు జరిపిన వ్యక్తిని 'అమరవీరుడు' అంటూ కీర్తించారు. గతంలో ఐసిస్కు సహకరించేందుకు ప్రయత్నించిన కేసులో అతడు ఎనిమిదేళ్ల జైలు శిక్ష అనుభవించడం గమనార్హం.
వీటితో పాటు, ఆన్లైన్ వేదికగా విరాళాలు సేకరించడంతో పాటు, దాడులను ప్రోత్సహిస్తూ మార్చి 8 నుంచి 11 మధ్య ఐసిస్ నాలుగు వీడియోలను కూడా విడుదల చేసింది. మరోవైపు, క్షేత్రస్థాయిలోనూ తమ కార్యకలాపాలను కొనసాగిస్తూ మార్చి 8 నుంచి 14 మధ్య నైజీరియా, కాంగో, సిరియా, పాకిస్థాన్తో సహా పలు దేశాల్లో మొత్తం 24 దాడులకు పాల్పడినట్లు ఆ సంస్థ ప్రకటించుకుంది.
సీఈపీ నివేదిక ప్రకారం.. మార్చి 9వ తేదీన ఐసిస్ అనుకూల యూజర్ ఒకరు హిందువులను లక్ష్యంగా చేసుకుని దాడులు చేయాలంటూ ఓ సందేశాన్ని పోస్ట్ చేశారు. ఈ సందేశంలో బంగ్లాదేశ్, మయన్మార్తో పాటు భారత్లోని పశ్చిమ బెంగాల్, అసోం, త్రిపుర, మణిపూర్ రాష్ట్రాలను ప్రత్యేకంగా ప్రస్తావించారు. ఆ తర్వాత ఈ పిలుపును 'రాకెట్చాట్' వంటి ఇతర ప్లాట్ఫామ్లలో కూడా షేర్ చేయడంతో తీవ్రవాద నెట్వర్క్లలో ఇది విస్తృతంగా వ్యాపించింది.
అంతేకాకుండా, అమెరికాలో ఇటీవల జరిగిన హింసాత్మక ఘటనలను కూడా ఐసిస్ మద్దతుదారులు ఆన్లైన్లో ప్రశంసించినట్లు నివేదిక తెలిపింది. న్యూయార్క్లో మార్చి 7న జరిగిన దాడి యత్నం, మార్చి 12న ఓల్డ్ డొమినియన్ యూనివర్సిటీలో జరిగిన కాల్పుల ఘటనలను వారు వేడుకగా జరుపుకున్నారు. యూనివర్సిటీలో కాల్పులు జరిపిన వ్యక్తిని 'అమరవీరుడు' అంటూ కీర్తించారు. గతంలో ఐసిస్కు సహకరించేందుకు ప్రయత్నించిన కేసులో అతడు ఎనిమిదేళ్ల జైలు శిక్ష అనుభవించడం గమనార్హం.
వీటితో పాటు, ఆన్లైన్ వేదికగా విరాళాలు సేకరించడంతో పాటు, దాడులను ప్రోత్సహిస్తూ మార్చి 8 నుంచి 11 మధ్య ఐసిస్ నాలుగు వీడియోలను కూడా విడుదల చేసింది. మరోవైపు, క్షేత్రస్థాయిలోనూ తమ కార్యకలాపాలను కొనసాగిస్తూ మార్చి 8 నుంచి 14 మధ్య నైజీరియా, కాంగో, సిరియా, పాకిస్థాన్తో సహా పలు దేశాల్లో మొత్తం 24 దాడులకు పాల్పడినట్లు ఆ సంస్థ ప్రకటించుకుంది.
