Jeffrey Epstein: యూరప్ను కుదిపేస్తున్న ఎప్స్టీన్ పైల్స్.. పలువురి రాజీనామా!
అమెరికాకు చెందిన ఫైనాన్షియర్ జెఫ్రీ ఎప్స్టీన్కు సంబంధించిన ఫైల్స్ యూరప్ రాజకీయాల్లో పెను ప్రకంపనలు సృష్టిస్తున్నాయి. అమెరికా న్యాయశాఖ ఇటీవల ఈ పత్రాలను విడుదల చేయగా, పలు దేశాల్లో ఉన్నతస్థాయి వ్యక్తులపై విచారణలు, రాజీనామాలకు దారితీస్తోంది. యూరప్లో తీవ్ర దుమారం రేగుతున్నా, అమెరికాలో మాత్రం ఈ స్థాయిలో పరిణామాలు కనిపించకపోవడం గమనార్హం.
ఈ పత్రాల విడుదలతో బ్రిటన్లో లేబర్ పార్టీ సీనియర్ నేత పీటర్ మాండెల్సన్ను ఆ పార్టీ అధినేత కైర్ స్టార్మర్ పదవి నుంచి తొలగించారు. బ్రిటిష్ రాజకుటుంబానికి చెందిన ప్రిన్స్ ఆండ్రూపై అమెరికాలో విచారణకు హాజరు కావాలనే ఒత్తిడి పెరుగుతోంది. మరోవైపు, సారా ఫెర్గూసన్కు చెందిన స్వచ్ఛంద సంస్థను మూసివేశారు. 2011 వరకు ఆమెకు ఎప్స్టీన్తో సంబంధాలున్నట్లు తేలడమే ఇందుకు కారణం.
నార్వేలో మాజీ ప్రధాని థోర్బ్జోర్న్ జాగ్లాండ్పై ఆర్థిక నేరాల విభాగం విచారణ ప్రారంభించింది. అలాగే, దౌత్యవేత్తలు మోనా జుల్, టెర్జే రోడ్-లార్సెన్లకు ఎప్స్టీన్ నుంచి 10 మిలియన్ డాలర్ల వారసత్వం లభించినట్లు పత్రాల్లో వెల్లడైంది. ఇక స్లోవేకియాలో జాతీయ భద్రతా సలహాదారు మిరోస్లావ్ లజ్కాక్ తన పదవికి రాజీనామా చేశారు.
పోలాండ్, లాట్వియా, లిథువేనియా వంటి దేశాలు కూడా ఈ పత్రాలపై దర్యాప్తు ప్రారంభించాయి. ఎప్స్టీన్ బాధితుల్లో పోలాండ్ పౌరులు ఉన్నారా, రష్యా నిఘా సంస్థలతో ఏమైనా సంబంధాలున్నాయా అనే కోణంలో విచారణ జరుపుతామని పోలాండ్ ప్రభుత్వం ప్రకటించింది. ఈ ఫైల్స్ ద్వారా ఎప్స్టీన్కు ప్రపంచవ్యాప్తంగా రాజకుటుంబీకులు, బిలియనీర్లు, రాజకీయ నేతలతో ఉన్న విస్తృత నెట్వర్క్ బయటపడిందని చతామ్ హౌస్ థింక్ ట్యాంక్ డైరెక్టర్ గ్రెగోయిర్ రూస్ పేర్కొన్నారు.
ఈ పత్రాల విడుదలతో బ్రిటన్లో లేబర్ పార్టీ సీనియర్ నేత పీటర్ మాండెల్సన్ను ఆ పార్టీ అధినేత కైర్ స్టార్మర్ పదవి నుంచి తొలగించారు. బ్రిటిష్ రాజకుటుంబానికి చెందిన ప్రిన్స్ ఆండ్రూపై అమెరికాలో విచారణకు హాజరు కావాలనే ఒత్తిడి పెరుగుతోంది. మరోవైపు, సారా ఫెర్గూసన్కు చెందిన స్వచ్ఛంద సంస్థను మూసివేశారు. 2011 వరకు ఆమెకు ఎప్స్టీన్తో సంబంధాలున్నట్లు తేలడమే ఇందుకు కారణం.
నార్వేలో మాజీ ప్రధాని థోర్బ్జోర్న్ జాగ్లాండ్పై ఆర్థిక నేరాల విభాగం విచారణ ప్రారంభించింది. అలాగే, దౌత్యవేత్తలు మోనా జుల్, టెర్జే రోడ్-లార్సెన్లకు ఎప్స్టీన్ నుంచి 10 మిలియన్ డాలర్ల వారసత్వం లభించినట్లు పత్రాల్లో వెల్లడైంది. ఇక స్లోవేకియాలో జాతీయ భద్రతా సలహాదారు మిరోస్లావ్ లజ్కాక్ తన పదవికి రాజీనామా చేశారు.
పోలాండ్, లాట్వియా, లిథువేనియా వంటి దేశాలు కూడా ఈ పత్రాలపై దర్యాప్తు ప్రారంభించాయి. ఎప్స్టీన్ బాధితుల్లో పోలాండ్ పౌరులు ఉన్నారా, రష్యా నిఘా సంస్థలతో ఏమైనా సంబంధాలున్నాయా అనే కోణంలో విచారణ జరుపుతామని పోలాండ్ ప్రభుత్వం ప్రకటించింది. ఈ ఫైల్స్ ద్వారా ఎప్స్టీన్కు ప్రపంచవ్యాప్తంగా రాజకుటుంబీకులు, బిలియనీర్లు, రాజకీయ నేతలతో ఉన్న విస్తృత నెట్వర్క్ బయటపడిందని చతామ్ హౌస్ థింక్ ట్యాంక్ డైరెక్టర్ గ్రెగోయిర్ రూస్ పేర్కొన్నారు.
