టూరిజమే గేమ్ చేంజర్... ఏపీ కేబినెట్ కీలక నిర్ణయాలు
- కృష్ణా నది ఒడ్డున మెరీనా ప్రాజెక్టుకు ఏపీ కేబినెట్ ఆమోదం
- రూ.19,391 కోట్ల విలువైన పెట్టుబడులకు మంత్రివర్గం గ్రీన్ సిగ్నల్
- రాష్ట్రంలో 11,753 కొత్త ఉద్యోగాలు కల్పించేలా నిర్ణయం
- ఏపీ లాజిస్టిక్స్ ఇన్ఫ్రాస్ట్రక్చర్ కార్పొరేషన్ ఏర్పాటుకు అంగీకారం
- పర్యాటకమే అసలైన గేమ్ ఛేంజర్ అన్న సీఎం చంద్రబాబు
ముఖ్యమంత్రి చంద్రబాబు అధ్యక్షతన గురువారం జరిగిన ఆంధ్రప్రదేశ్ మంత్రివర్గ సమావేశం పలు కీలక నిర్ణయాలకు వేదికైంది. అమరావతిలోని కృష్ణా నది తీరంలో ప్రతిష్ఠాత్మక మెరీనా ప్రాజెక్టు ఏర్పాటుతో పాటు, రాష్ట్రానికి రూ.19,391 కోట్ల విలువైన పెట్టుబడులను ఆకర్షించే ప్రతిపాదనలకు కేబినెట్ ఆమోదముద్ర వేసింది. పర్యాటక రంగాన్ని రాష్ట్ర ఆర్థిక వ్యవస్థకు 'గేమ్ ఛేంజర్'గా మార్చి, యువతకు భారీగా ఉపాధి కల్పించాలని ప్రభుత్వం లక్ష్యంగా పెట్టుకుంది.
మంత్రివర్గం తీసుకున్న నిర్ణయాలతో పరిశ్రమలు, పర్యాటకం, ఫుడ్ ప్రాసెసింగ్, ఇంధన రంగాల్లో మొత్తం 14 కొత్త సంస్థలు ఏర్పాటవుతాయి. ఈ పెట్టుబడుల ద్వారా రాష్ట్రంలో 11,753 మందికి ప్రత్యక్షంగా ఉద్యోగావకాశాలు లభిస్తాయని ప్రభుత్వం అంచనా వేస్తోంది. సమావేశంలో అత్యంత ప్రాధాన్యత కలిగిన అంశంగా కృష్ణా నది తీరంలో మెరీనా ప్రాజెక్టుకు కేబినెట్ పచ్చజెండా ఊపింది. దీంతో పాటు, రాష్ట్రంలో సరకు రవాణా రంగాన్ని వ్యవస్థీకృతం చేసేందుకు 'ఏపీ లాజిస్టిక్స్ ఇన్ఫ్రాస్ట్రక్చర్ కార్పొరేషన్' ఏర్పాటు చేయాలని నిర్ణయించారు.
ఇతర ముఖ్యమైన నిర్ణయాలలో, రాష్ట్రవ్యాప్తంగా 1 నుంచి 10వ తరగతి విద్యార్థులకు స్కూల్ కిట్ల పంపిణీ కోసం రూ.944.53 కోట్లకు పరిపాలనా అనుమతులు ఇచ్చారు. శ్రీకాకుళం జిల్లా కోటబొమ్మాళిలో కొత్తగా ప్రభుత్వ డిగ్రీ కళాశాల ఏర్పాటుకు, జల్ జీవన్ మిషన్ కింద రూ.5,000 కోట్ల రుణానికి ప్రభుత్వ గ్యారెంటీ ఇచ్చేందుకు కూడా కేబినెట్ అంగీకరించింది. ఎక్సైజ్ విధానంలో భాగంగా బార్లపై ఉన్న అదనపు రిటైల్ ఎక్సైజ్ పన్నును ఉపసంహరించుకోవాలని, కార్పొరేషన్ల పరిధిలో మైక్రో బ్రూవరీల ఏర్పాటుకు అనుమతించాలని నిర్ణయం తీసుకున్నారు.
ఈ సమావేశంలో డిప్యూటీ సీఎం పవన్ కల్యాణ్ సహా మంత్రులందరూ పాల్గొన్నారు. తాజా నిర్ణయాలు రాష్ట్ర ఆర్థికాభివృద్ధికి, ఉపాధి కల్పనకు మరింత ఊతమిస్తాయని ప్రభుత్వం ఒక ప్రకటనలో పేర్కొంది.
మంత్రివర్గం తీసుకున్న నిర్ణయాలతో పరిశ్రమలు, పర్యాటకం, ఫుడ్ ప్రాసెసింగ్, ఇంధన రంగాల్లో మొత్తం 14 కొత్త సంస్థలు ఏర్పాటవుతాయి. ఈ పెట్టుబడుల ద్వారా రాష్ట్రంలో 11,753 మందికి ప్రత్యక్షంగా ఉద్యోగావకాశాలు లభిస్తాయని ప్రభుత్వం అంచనా వేస్తోంది. సమావేశంలో అత్యంత ప్రాధాన్యత కలిగిన అంశంగా కృష్ణా నది తీరంలో మెరీనా ప్రాజెక్టుకు కేబినెట్ పచ్చజెండా ఊపింది. దీంతో పాటు, రాష్ట్రంలో సరకు రవాణా రంగాన్ని వ్యవస్థీకృతం చేసేందుకు 'ఏపీ లాజిస్టిక్స్ ఇన్ఫ్రాస్ట్రక్చర్ కార్పొరేషన్' ఏర్పాటు చేయాలని నిర్ణయించారు.
ఇతర ముఖ్యమైన నిర్ణయాలలో, రాష్ట్రవ్యాప్తంగా 1 నుంచి 10వ తరగతి విద్యార్థులకు స్కూల్ కిట్ల పంపిణీ కోసం రూ.944.53 కోట్లకు పరిపాలనా అనుమతులు ఇచ్చారు. శ్రీకాకుళం జిల్లా కోటబొమ్మాళిలో కొత్తగా ప్రభుత్వ డిగ్రీ కళాశాల ఏర్పాటుకు, జల్ జీవన్ మిషన్ కింద రూ.5,000 కోట్ల రుణానికి ప్రభుత్వ గ్యారెంటీ ఇచ్చేందుకు కూడా కేబినెట్ అంగీకరించింది. ఎక్సైజ్ విధానంలో భాగంగా బార్లపై ఉన్న అదనపు రిటైల్ ఎక్సైజ్ పన్నును ఉపసంహరించుకోవాలని, కార్పొరేషన్ల పరిధిలో మైక్రో బ్రూవరీల ఏర్పాటుకు అనుమతించాలని నిర్ణయం తీసుకున్నారు.
ఈ సమావేశంలో డిప్యూటీ సీఎం పవన్ కల్యాణ్ సహా మంత్రులందరూ పాల్గొన్నారు. తాజా నిర్ణయాలు రాష్ట్ర ఆర్థికాభివృద్ధికి, ఉపాధి కల్పనకు మరింత ఊతమిస్తాయని ప్రభుత్వం ఒక ప్రకటనలో పేర్కొంది.
