Donald Trump: శత్రువులను తుడిచిపెట్టేస్తాం.. ట్రంప్, నెతన్యాహుపై ఇరాన్ మత గురువు ఫత్వా
అమెరికా అధ్యక్షుడు డొనాల్డ్ ట్రంప్, ఇజ్రాయెల్ ప్రధానమంత్రి బెంజమిన్ నెతన్యాహులను ఇరాన్లోని అత్యున్నత షియా మతగురువుల్లో ఒకరైన గ్రాండ్ అయతొల్లా నాజర్ మకరేం షిరాజీ శత్రువులుగా ప్రకటిస్తూ ఫత్వా (మతపరమైన ఆదేశం) జారీ చేశారు. ఇరాన్ సర్వోన్నత నాయకుడు అయతొల్లా అలీ ఖమేనీతో పాటు ఇతర సీనియర్ మతగురువులకు వస్తున్న బెదిరింపులను ఖండిస్తూ ఆయన ఈ ఫత్వాను విడుదల చేశారు.
అరబిక్ భాషలో విడుదల చేసిన ఈ ఫత్వాలో షిరాజీ తీవ్ర వ్యాఖ్యలు చేశారు. "ఇస్లామిక్ వ్యవస్థకు మూలస్తంభాలైన నాయకుల ప్రాణాలకు, ముఖ్యంగా సుప్రీం లీడర్ ప్రాణానికి ముప్పు తలపెట్టడం మతపరంగా నిషిద్ధం" అని ఆయన స్పష్టం చేశారు. అలాంటి నాయకులను కాపాడుకోవడం ప్రతి ఒక్కరి విధి అని, వారి పవిత్రతను ఉల్లంఘించడం ఘోరమైన పాపాలలో ఒకటని ఆయన పేర్కొన్నారు.
ఈ సందర్భంగా ప్రపంచవ్యాప్తంగా ఉన్న ముస్లింలందరూ ఏకతాటిపైకి రావాలని షిరాజీ పిలుపునిచ్చారు. ఇస్లామిక్ రిపబ్లిక్ నాయకత్వాన్ని బెదిరిస్తున్న అమెరికా, ఇజ్రాయెల్ నేతలను గద్దె దించేందుకు ఐక్యంగా పోరాడాలని కోరారు. ఈ శత్రువులకు ఏ ముస్లిం వ్యక్తి గానీ, ఇస్లామిక్ దేశం గానీ ఎలాంటి మద్దతు లేదా సహకారం అందించినా అది ‘హరాం’ (నిషిద్ధం) అవుతుందని తన ఫత్వాలో స్పష్టం చేశారు.
"ప్రపంచవ్యాప్తంగా ఉన్న ముస్లింలు ఇలాంటి శత్రువులకు, వారి బహిరంగ నేరాలకు వ్యతిరేకంగా దృఢంగా నిలబడాలి. ఒకవేళ వారు అలాంటి చర్యలకు పాల్పడితే, కఠినమైన దైవిక శిక్షను ఎదుర్కోవలసి వస్తుంది. వారికి ప్రతీకారం తప్పదు" అని షిరాజీ హెచ్చరించారు. ఈ ఫత్వాలో ఆయన ‘ముహారిబ్’ అనే పదాన్ని ఉపయోగించారు. ఇస్లామిక్ చట్టం ప్రకారం, ఈ పదానికి ‘దేవుడిపై యుద్ధం చేసేవాడు’ లేదా ‘దేవుడికి, రాజ్యానికి వ్యతిరేకంగా శత్రుత్వం చూపించేవాడు’ అని అర్థం. ఇరాన్లో ఈ ఆరోపణ చాలా తీవ్రమైనది. ఈ నేరానికి పాల్పడిన వారికి మరణశిక్ష విధించే అవకాశం కూడా ఉంది.
అరబిక్ భాషలో విడుదల చేసిన ఈ ఫత్వాలో షిరాజీ తీవ్ర వ్యాఖ్యలు చేశారు. "ఇస్లామిక్ వ్యవస్థకు మూలస్తంభాలైన నాయకుల ప్రాణాలకు, ముఖ్యంగా సుప్రీం లీడర్ ప్రాణానికి ముప్పు తలపెట్టడం మతపరంగా నిషిద్ధం" అని ఆయన స్పష్టం చేశారు. అలాంటి నాయకులను కాపాడుకోవడం ప్రతి ఒక్కరి విధి అని, వారి పవిత్రతను ఉల్లంఘించడం ఘోరమైన పాపాలలో ఒకటని ఆయన పేర్కొన్నారు.
ఈ సందర్భంగా ప్రపంచవ్యాప్తంగా ఉన్న ముస్లింలందరూ ఏకతాటిపైకి రావాలని షిరాజీ పిలుపునిచ్చారు. ఇస్లామిక్ రిపబ్లిక్ నాయకత్వాన్ని బెదిరిస్తున్న అమెరికా, ఇజ్రాయెల్ నేతలను గద్దె దించేందుకు ఐక్యంగా పోరాడాలని కోరారు. ఈ శత్రువులకు ఏ ముస్లిం వ్యక్తి గానీ, ఇస్లామిక్ దేశం గానీ ఎలాంటి మద్దతు లేదా సహకారం అందించినా అది ‘హరాం’ (నిషిద్ధం) అవుతుందని తన ఫత్వాలో స్పష్టం చేశారు.
"ప్రపంచవ్యాప్తంగా ఉన్న ముస్లింలు ఇలాంటి శత్రువులకు, వారి బహిరంగ నేరాలకు వ్యతిరేకంగా దృఢంగా నిలబడాలి. ఒకవేళ వారు అలాంటి చర్యలకు పాల్పడితే, కఠినమైన దైవిక శిక్షను ఎదుర్కోవలసి వస్తుంది. వారికి ప్రతీకారం తప్పదు" అని షిరాజీ హెచ్చరించారు. ఈ ఫత్వాలో ఆయన ‘ముహారిబ్’ అనే పదాన్ని ఉపయోగించారు. ఇస్లామిక్ చట్టం ప్రకారం, ఈ పదానికి ‘దేవుడిపై యుద్ధం చేసేవాడు’ లేదా ‘దేవుడికి, రాజ్యానికి వ్యతిరేకంగా శత్రుత్వం చూపించేవాడు’ అని అర్థం. ఇరాన్లో ఈ ఆరోపణ చాలా తీవ్రమైనది. ఈ నేరానికి పాల్పడిన వారికి మరణశిక్ష విధించే అవకాశం కూడా ఉంది.
