చిన్న చిన్న అలవాట్లే మానసిక ఆరోగ్యానికి కీలకం: అధ్యయనంలో వెల్లడి
మన మానసిక ఆరోగ్యాన్ని మెరుగుపరుచుకోవడానికి పెద్ద పెద్ద పనులు చేయాల్సిన అవసరం లేదని, స్నేహితులతో కాసేపు మాట్లాడటం, ప్రకృతిలో కొద్దిసేపు గడపడం, మెదడుకు పదును పెట్టే పనులు చేయడం వంటి సాధారణ రోజువారీ కార్యకలాపాలే ఎంతో మేలు చేస్తాయని తాజా అధ్యయనం ఒకటి స్పష్టం చేసింది. పశ్చిమ ఆస్ట్రేలియాలో 600 మందికి పైగా వయోజనులపై కర్టిన్ విశ్వవిద్యాలయ పరిశోధకులు ఈ అధ్యయనం నిర్వహించారు.
ఈ పరిశోధన ప్రకారం, రోజూ ఇతరులతో సంభాషించే వారి మానసిక ఆరోగ్య స్కోరు, అరుదుగా మాట్లాడే వారికంటే ఏకంగా 10 పాయింట్లు ఎక్కువగా ఉన్నట్లు తేలింది. అలాగే, ప్రతిరోజూ ప్రకృతితో సమయం గడిపేవారిలో ఈ స్కోరు 5 పాయింట్లు పెరిగినట్లు గుర్తించారు. స్నేహితులను కలవడం, శారీరక శ్రమ, ఆధ్యాత్మిక చింతన, ఇతరులకు సహాయం చేయడం వంటివి కూడా మానసిక ఆరోగ్యానికి దోహదపడతాయని 'ఎస్ఎస్ఎం-మెంటల్ హెల్త్' అనే బ్రిటిష్ జర్నల్లో ప్రచురితమైన ఈ అధ్యయన వివరాలు పేర్కొంటున్నాయి.
ఈ ఫలితాలపై అధ్యయన ప్రధాన పరిశోధకురాలు, కర్టిన్ స్కూల్ ఆఫ్ పాపులేషన్ హెల్త్కు చెందిన ప్రొఫెసర్ క్రిస్టినా పొలార్డ్ మాట్లాడుతూ, "ఇవి ఖరీదైన కార్యక్రమాలు లేదా వైద్య చికిత్సలు కావు. చాలా మంది జీవితాల్లో ఇవి ఇప్పటికే భాగమై ఉన్నాయి. ప్రజారోగ్య సందేశాల ద్వారా వీటిని సులభంగా ప్రోత్సహించవచ్చు" అని తెలిపారు. రోజువారీ సంభాషణలు, ప్రకృతిలో గడపడం, క్రాస్వర్డ్లు చేయడం, చదవడం లేదా కొత్త భాష నేర్చుకోవడం వంటివి మానసిక ఉల్లాసాన్నిస్తాయని ఆమె వివరించారు.
మానసిక ఆరోగ్యం కూడా శారీరక ఆరోగ్యం అంతే ముఖ్యమని దాదాపు అందరూ అంగీకరించారని, ఇలాంటి సాధారణ ప్రవర్తనలను ప్రోత్సహించడం ద్వారా సమాజం మొత్తం ప్రయోజనం పొందగలదని ప్రొఫెసర్ పొలార్డ్ అన్నారు. సమస్య తీవ్రం కాకముందే, నివారణ చర్యల ద్వారా ప్రజల మానసిక ఆరోగ్యాన్ని కాపాడటంపై దృష్టి సారించాలని ఆమె సూచించారు.
ఈ పరిశోధన ప్రకారం, రోజూ ఇతరులతో సంభాషించే వారి మానసిక ఆరోగ్య స్కోరు, అరుదుగా మాట్లాడే వారికంటే ఏకంగా 10 పాయింట్లు ఎక్కువగా ఉన్నట్లు తేలింది. అలాగే, ప్రతిరోజూ ప్రకృతితో సమయం గడిపేవారిలో ఈ స్కోరు 5 పాయింట్లు పెరిగినట్లు గుర్తించారు. స్నేహితులను కలవడం, శారీరక శ్రమ, ఆధ్యాత్మిక చింతన, ఇతరులకు సహాయం చేయడం వంటివి కూడా మానసిక ఆరోగ్యానికి దోహదపడతాయని 'ఎస్ఎస్ఎం-మెంటల్ హెల్త్' అనే బ్రిటిష్ జర్నల్లో ప్రచురితమైన ఈ అధ్యయన వివరాలు పేర్కొంటున్నాయి.
ఈ ఫలితాలపై అధ్యయన ప్రధాన పరిశోధకురాలు, కర్టిన్ స్కూల్ ఆఫ్ పాపులేషన్ హెల్త్కు చెందిన ప్రొఫెసర్ క్రిస్టినా పొలార్డ్ మాట్లాడుతూ, "ఇవి ఖరీదైన కార్యక్రమాలు లేదా వైద్య చికిత్సలు కావు. చాలా మంది జీవితాల్లో ఇవి ఇప్పటికే భాగమై ఉన్నాయి. ప్రజారోగ్య సందేశాల ద్వారా వీటిని సులభంగా ప్రోత్సహించవచ్చు" అని తెలిపారు. రోజువారీ సంభాషణలు, ప్రకృతిలో గడపడం, క్రాస్వర్డ్లు చేయడం, చదవడం లేదా కొత్త భాష నేర్చుకోవడం వంటివి మానసిక ఉల్లాసాన్నిస్తాయని ఆమె వివరించారు.
మానసిక ఆరోగ్యం కూడా శారీరక ఆరోగ్యం అంతే ముఖ్యమని దాదాపు అందరూ అంగీకరించారని, ఇలాంటి సాధారణ ప్రవర్తనలను ప్రోత్సహించడం ద్వారా సమాజం మొత్తం ప్రయోజనం పొందగలదని ప్రొఫెసర్ పొలార్డ్ అన్నారు. సమస్య తీవ్రం కాకముందే, నివారణ చర్యల ద్వారా ప్రజల మానసిక ఆరోగ్యాన్ని కాపాడటంపై దృష్టి సారించాలని ఆమె సూచించారు.
