రామ్ చరణ్ పై ప్రేమను చాటుకున్న ఉపాసన

గ్లోబల్ స్టార్ రామ్ చరణ్, ఉపాసన దంపతుల గురించి ప్రత్యేకంగా చెప్పనక్కర్లేదు. రామ్ చరణ్ సినిమాలతో అంతర్జాతీయ ఖ్యాతిని సంపాదించుకోగా, సామాజిక సేవా కార్యక్రమాలతో ఉపాసన తనకంటూ ప్రత్యేక గుర్తింపును పొందారు. ఆధునిక తరానికి ప్రతినిధులు అనదగ్గ వీరిద్దరూ ముచ్చటైన దాంపత్యానికి ప్రతీకగా నిలుస్తారు. 

తాజాగా, భర్త రామ్ చరణ్ పై ఉపాసన తన ప్రేమను చాటుకున్నారు. ఇటీవల ఈ సెలెబ్రిటీ జోడీ ఫోర్బ్స్ ఇండియా మ్యాగజైన్ కవర్ పేజీపై దర్శనమిచ్చింది. దీనిపై ఉపాసన స్పందించారు. "విజయవంతమైన ప్రతి పురుషుడి వెనుక ఓ స్త్రీ ఉంటుందని చెబుతారు. కానీ నేనేం చెబుతానంటే... విజయవంతమైన ప్రతి మహిళ వెనుక మద్దతు, రక్షణ ఇచ్చే పురుషుడు ఉంటాడు" అని పేర్కొన్నారు.