ప్రపంచకప్‌లో నేడు మరో కీలక మ్యాచ్.. కివీస్‌పై టాస్ గెలిచిన పాకిస్థాన్.. కేన్ మామ రాకతో నూతనోత్సాహంలో న్యూజిలాండ్

ప్రపంచకప్‌లో భాగంగా మరికాసేపట్లో మరో కీలక సమరం జరగబోతోంది. పాకిస్థాన్-న్యూజిలాండ్ మధ్య జరగనున్న ఈ మ్యాచ్‌కు బెంగళూరులోని ఎం చిన్నస్వామి స్టేడియం వేదిక అయింది.  సెమీస్‌లో చోటు దక్కించుకోవాలంటే ఇరు జట్లకు ఈ మ్యాచ్ ఎంతో కీలకం. వరుస విజయాలతో తొలుత దూకుడు ప్రదర్శించిన న్యూజిలాండ్‌ను ఆ తర్వాత వరుస పరాజయాలు వెక్కిరించగా.. వరుస పరాజయాల తర్వాత పుంజుకున్న పాకిస్థాన్ తిరిగి సెమీస్ రేసులోకి వచ్చింది. ఈ మ్యాచ్‌లో పాకిస్థాన్ గెలిస్తే ఆ జట్టు సెమీస్ ఆశలు సజీవంగా ఉంటాయి. కివీస్ గెలిస్తే మూడో స్థానానికి చేరుకుని సెమీస్ బెర్త్‌కు దగ్గరవుతుంది. కాబట్టి ఇరు జట్లకు ఈ మ్యాచ్ ‘డూ ఆర్ డై’గానే చెప్పాలి.

టాస్ గెలిచిన పాకిస్థాన్ బ్యాటింగ్ ఎంచుకుంది. కేన్ విలియమ్సన్‌ జట్టులోకి రావడంతో ఆ జట్టుకు అదనపు బలం చేకూరినట్టే. కేన్ జట్టులోకి రావడంతో విల్ యంగ్ తప్పుకోగా, మ్యాట్ హెన్రీ స్థానంలో ఇష్ సోది జట్టులోకి వచ్చాడు. ఇక పాకిస్థాన్ ఒక్క మార్పుతో బరిలోకి దిగింది. ఉస్మాన్ మిర్ స్థానంలో హసన్ అలీని రంగంలోకి దింపింది.