ఇద్దరు అమెరికన్ బందీలను విడిచిపెట్టిన హమాస్ ఉగ్రవాదులు
- మానవతా దృక్పథంతో ఇద్దరికి విముక్తి
- ఆరోగ్యం క్షీణించడంతో తల్లి,కూతురిని వదిలిపెట్టిన ఉగ్రవాదులు
- ఖతార్ ప్రయత్నాలు విజయవంతం
కాగా హమాస్ ఉగ్రవాదులు బందీలుగా చేసుకున్నవారిలో అత్యధికులు ఇంకా ప్రాణాలతోనే ఉన్నారని ఇజ్రాయెల్ ప్రభుత్వం చెబుతోంది. అయితే గాజాస్ట్రిప్కు తీసుకెళ్లినవారిలో కొందరు చనిపోయారని విచారం వ్యక్తం చేసింది. ఇక బందీలుగా ఉన్నవారిలో మైనర్ల సంఖ్య 20 దాకా, 10-20 సంవత్సరాల వయసున్నవారు దాదాపు 60 మంది వరకు ఉండొచ్చని ఇజ్రాయెల్ లెక్కగట్టింది. ఇక హమాస్ దాడుల తర్వాత 100-200 మంది తప్పిపోయారని ఇజ్రాయెల్ చెబుతోంది. కాగా అక్టోబర్ 7న పాలస్తీనా మిలిటెంట్ గ్రూప్ హమాస్ ఇజ్రాయెల్లో భీకర నరమేధం సృష్టించిన విషయం తెలిసిందే. 75 ఏళ్ల ఇజ్రాయెల్ చరిత్రలో అతిపెద్దదిగా అభివర్ణిస్తున్న ఈ దాడిలో ఏకంగా 1400 మంది ప్రాణాలు కోల్పోయారు. ఇందులో అమాయక పౌరులే ఉన్నారు.
