తప్పు చేయడం చంద్రబాబు డీఎన్ఏలోనే లేదు: వర్ల రామయ్య

స్కిల్ డెవలప్ మెంట్ ప్రాజెక్టుకు సంబంధించిన పూర్తి వివరాలతో కూడిన వెబ్ సైట్ ఆవిష్కరణ కార్యక్రమంలో టీడీపీ పొలిట్ బ్యూరో సభ్యుడు వర్ల రామయ్య కూడా పాల్గొన్నారు. ఈ సందర్భంగా ఆయన మాట్లాడుతూ, తప్పుడు చేయడం అనేది చంద్రబాబు డీఎన్ఏలోనే లేదని స్పష్టం చేశారు. 4 దశాబ్దాల రాజకీయ అనుభవం ఉన్న, 14 సంవత్సరాలు ముఖ్యమంత్రిగా పనిచేసిన వ్యక్తిని అన్యాయంగా, కక్షసాధింపులో భాగంగా జైలుకు పంపారని ఆవేదన వ్యక్తం చేశారు. 

టీడీపీ ఆవిష్కరించిన వెబ్ సైట్ లోని వివరాలు  పరిశీలిస్తే ఆయన ఏ తప్పు చేయలేదని, ఈ ప్రభుత్వం, ముఖ్యమంత్రే కావాలని కుట్రతో ఆయనపై అభియోగాలు మోపి జైలుకు పంపారని అర్థమవుతుందని అన్నారు.  

వెబ్ సైట్ లోని సమాచారం ప్రతి ఒక్కరూ తెలుసుకొని, తెలియనివారికి కూడా తెలియజేయాలని కోరుతున్నామని వర్ల రామయ్య విజ్ఞప్తి చేశారు. తప్పులు, నేరాలు అన్నీ ఈ ముఖ్యమంత్రి చేసి, ప్రజలకోసం పోరాడేవారిని వేధిస్తూ ఆనందిస్తున్నాడని ఆగ్రహం వ్యక్తం చేశారు.