Teenage Girl: ఢిల్లీలో టీనేజి అమ్మాయిని దారుణంగా చంపిన ప్రేమికుడు

దేశ రాజధాని ఢిల్లీలో సహజీవనం నేపథ్యంలో, శ్రద్ధా వాకర్ అనే అమ్మాయి తన ప్రియుడు ఆఫ్తాబ్ చేతిలో దారుణంగా హతమైన సంగతి తెలిసిందే. ఢిల్లీలో అలాంటిదే మరో దారుణ ఘటన జరిగింది. ఓ టీనేజి అమ్మాయిని ప్రేమికుడే కిరాతకంగా చంపాడు. 

సాహిల్ అనే యువకుడు 16 ఏళ్ల బాలికతో కొంతకాలంగా సహజీవనం చేస్తున్నాడు. గత రాత్రి ఓ బర్త్ డే పార్టీకి వెళ్లే విషయంలో ఇద్దరి మధ్య రోడ్డుపైనే వాగ్వాదం చోటుచేసుకుంది. ఢిల్లీలోని షాబాద్ డెయిరీ వద్ద అందరూ చూస్తుండగానే ఆ బాలికను సాహిల్ పొడిచి చంపాడు. పలుమార్లు కత్తితో పొడిచిన అనంతరం ఆమెపై బండరాయి వేశాడు. 

నిందితుడు సాహిల్ ను పోలీసులు అరెస్ట్ చేశారు. బాలిక శరీరంపై 20కి పైగా కత్తిపోట్లు ఉన్నట్టు గుర్తించారు. ఈ ఘటనపై విచారణకు జాతీయ మహిళా కమిషన్ త్రిసభ్య కమిషన్ ను నియమించింది.