- భారత్‌, చైనా ఒక్క గొంతుతో మాట్లాడితే ప్రపంచం వినాల్సిందేనంటున్న విశ్లేషకులు
- జిన్‌పింగ్‌ పర్యటన ఇరుదేశాల సంబంధాల్లో కీలక మలుపని అభిప్రాయం
- మోదీ-జిన్‌పింగ్‌ మూడేళ్లలో మూడోసారి భేటీ కానుండడం విశేషణ
- బ్రిక్స్‌లో భారత్‌-చైనా సహకారం గ్లోబల్‌ సౌత్‌కు కీలకమని విశ్లేషణ
- అమెరికా టారిఫ్‌ల అనిశ్చితికి బ్రిక్స్‌ వ్యూహాత్మక వేదికంటున్న నిపుణులు
‘‘భారత్‌, చైనా ఒకే గొంతుతో మాట్లాడితే ప్రపంచం తప్పకుండా వినాల్సిందే. రెండు ఆసియా దిగ్గజాల మధ్య సహకారం పెరిగితే దాని ప్రభావం కేవలం ఇరు దేశాలకే పరిమితం కాదు.. ప్రపంచ శాంతి, ఆర్థిక స్థిరత్వంపైనా పడుతుంది’’ ‘అబ్జర్వర్‌ రీసెర్చ్‌ ఫౌండేషన్‌’ చైనా ఫెలో అంటారా ఘోషల్‌ సింగ్‌ చేసిన ఈ వ్యాఖ్యలు ఇప్పుడు ప్రాధాన్యం సంతరించుకున్నాయి. బ్రిక్స్‌ సదస్సు కోసం చైనా అధ్యక్షుడు షీ జిన్‌పింగ్‌ ఢిల్లీకి రావడం.. ప్రధాని నరేంద్ర మోదీతో ద్వైపాక్షిక భేటీకి సిద్ధమవడం ఈ చర్చకు ప్రధాన కారణం.
చైనా-భారత్‌ సంబంధాల్లో మలుపు
జిన్‌పింగ్‌ పర్యటన భారత్‌-చైనా సంబంధాలు ఎట్టకేలకు కొత్త మలుపు తిరుగుతున్నాయనే సంకేతమని ఘోషల్‌ సింగ్‌ పేర్కొన్నారు. చైనా అధికారిక మీడియా గ్లోబల్‌ టైమ్స్‌తో ఆమె మాట్లాడారు. ఇరు దేశాల మధ్య సన్నిహిత సహకారం పెరిగితే గ్లోబల్‌ సౌత్‌ దేశాలకే కాదు.. ప్రపంచ శాంతి, సౌభాగ్యానికీ మేలు జరుగుతుందని చెప్పారు.
మూడేళ్లలో మూడో భేటీ
మోదీ-జిన్‌పింగ్‌ సమావేశం మూడేళ్లలో మూడోసారి జరగనుంది. కజాన్‌, టియాంజిన్‌ భేటీల తర్వాత ఇప్పుడు ఢిల్లీలో ఇరువురు నేతలు సమావేశం కానున్నారు. 2020లో వాస్తవాధీన రేఖ వద్ద సైనిక ఘర్షణ తర్వాత భారత్‌-చైనా సంబంధాలు తీవ్రంగా దెబ్బతిన్నాయి. అయితే ఆ తర్వాత దౌత్యపరమైన చర్చలు మళ్లీ ఊపందుకున్నాయి. ఉద్రిక్తతలను తగ్గించేందుకు ఇరు దేశాలు చర్యలు చేపట్టాయి. సరిహద్దు వివాదం మాత్రం ఇంకా పరిష్కారం కాలేదు.
పోటీతో పాటు సహకారం
ఇరు దేశాల సంబంధాలు ఇప్పుడు పోటీ, సహకారం రెండూ కలిసి సాగే దశకు చేరుకున్నాయి. సరిహద్దు సమస్య అతిపెద్ద వ్యూహాత్మక సవాలుగా ఉంది. అదే సమయంలో వాణిజ్యం, సాంకేతికత, పెట్టుబడులు, సరఫరా వ్యవస్థలు, ప్రాంతీయ ప్రభావం వంటి అంశాలు ఇరు దేశాలను కలుపుతున్నాయి. సరిహద్దులో శాంతి ఉంటేనే మొత్తం సంబంధాలు మెరుగుపడతాయని భారత్‌ మొదటి నుంచీ చెబుతోంది. చైనాతో దీర్ఘకాలిక ఘర్షణ కొనసాగితే ఆర్థికంగా, వ్యూహాత్మకంగా నష్టాలు ఉంటాయనే అవగాహన కూడా భారత్‌లో ఉందని విశ్లేషకులు అభిప్రాయపడుతున్నారు.
బ్రిక్స్‌తో గ్లోబల్‌ సౌత్‌కు బలం
ప్రపంచ జనాభాలో దాదాపు సగం బ్రిక్స్‌ దేశాల్లోనే ఉంది. ప్రపంచ ఆర్థిక వ్యవస్థలో వాటి వాటా సుమారు 30 శాతం. ప్రపంచ వాణిజ్యంలో దాదాపు ఐదో వంతు బ్రిక్స్‌ దేశాలదే. దీంతో భారత్‌, చైనా కలిసి పనిచేస్తే గ్లోబల్‌ సౌత్‌పై ప్రభావం చూపేందుకు ఇది భారీ వేదికగా మారుతుంది. భౌగోళిక రాజకీయ అనిశ్చితి, ప్రపంచ వాణిజ్యంలో అంతరాయాలు పెరుగుతున్న సమయంలో బ్రిక్స్‌లో ఇరు దేశాల సమన్వయం మరింత కీలకమని ఘోషల్‌ సింగ్‌ అన్నారు.
అమెరికా టారిఫ్‌లపైనా దృష్టి
అమెరికా టారిఫ్‌ విధానాల వల్ల ఏర్పడుతున్న అనిశ్చితుల నుంచి రక్షణ పొందేందుకు బ్రిక్స్‌ ఒక వ్యూహాత్మక వేదికగా ఉపయోగపడుతుందని ఘోషల్‌ సింగ్‌ అభిప్రాయపడ్డారు. ఇలాంటి పరిస్థితుల్లో భారత్‌, చైనా మధ్య సమన్వయం పెరిగితే అభివృద్ధి చెందుతున్న దేశాల ప్రయోజనాలకు మరింత బలం చేకూరుతుందని పేర్కొన్నారు.
కేవలం ద్వైపాక్షిక భేటీ కాదు
మోదీ-జిన్‌పింగ్‌ సమావేశం కేవలం భారత్‌-చైనా సంబంధాలకే పరిమితం కాదు. అభివృద్ధి చెందుతున్న ప్రపంచానికి ఇరు దేశాలు కీలక గొంతుకలుగా ఉన్నాయి. అంతర్జాతీయ సంస్థల్లో వర్ధమాన ఆర్థిక వ్యవస్థలకు మరింత ప్రాతినిధ్యం కల్పించాలని భారత్‌, చైనా చాలాకాలంగా కోరుతున్నాయి. ఈ నేపథ్యంలో ఢిల్లీ బ్రిక్స్‌ సదస్సులో జరిగే మోదీ-జిన్‌పింగ్‌ భేటీ.. ఇటీవల మొదలైన సానుకూల వాతావరణం శాశ్వత మార్పుగా మారుతుందా? గ్లోబల్‌ సౌత్‌ కోసం ఇరు దేశాలు తమ ఉమ్మడి బలాన్ని ఒకే గొంతుగా వినిపిస్తాయా? అన్నదానిపై ఆసక్తి నెలకొంది.
చైనా-భారత్‌ సంబంధాల్లో మలుపు
జిన్‌పింగ్‌ పర్యటన భారత్‌-చైనా సంబంధాలు ఎట్టకేలకు కొత్త మలుపు తిరుగుతున్నాయనే సంకేతమని ఘోషల్‌ సింగ్‌ పేర్కొన్నారు. చైనా అధికారిక మీడియా గ్లోబల్‌ టైమ్స్‌తో ఆమె మాట్లాడారు. ఇరు దేశాల మధ్య సన్నిహిత సహకారం పెరిగితే గ్లోబల్‌ సౌత్‌ దేశాలకే కాదు.. ప్రపంచ శాంతి, సౌభాగ్యానికీ మేలు జరుగుతుందని చెప్పారు.
మూడేళ్లలో మూడో భేటీ
మోదీ-జిన్‌పింగ్‌ సమావేశం మూడేళ్లలో మూడోసారి జరగనుంది. కజాన్‌, టియాంజిన్‌ భేటీల తర్వాత ఇప్పుడు ఢిల్లీలో ఇరువురు నేతలు సమావేశం కానున్నారు. 2020లో వాస్తవాధీన రేఖ వద్ద సైనిక ఘర్షణ తర్వాత భారత్‌-చైనా సంబంధాలు తీవ్రంగా దెబ్బతిన్నాయి. అయితే ఆ తర్వాత దౌత్యపరమైన చర్చలు మళ్లీ ఊపందుకున్నాయి. ఉద్రిక్తతలను తగ్గించేందుకు ఇరు దేశాలు చర్యలు చేపట్టాయి. సరిహద్దు వివాదం మాత్రం ఇంకా పరిష్కారం కాలేదు.
పోటీతో పాటు సహకారం
ఇరు దేశాల సంబంధాలు ఇప్పుడు పోటీ, సహకారం రెండూ కలిసి సాగే దశకు చేరుకున్నాయి. సరిహద్దు సమస్య అతిపెద్ద వ్యూహాత్మక సవాలుగా ఉంది. అదే సమయంలో వాణిజ్యం, సాంకేతికత, పెట్టుబడులు, సరఫరా వ్యవస్థలు, ప్రాంతీయ ప్రభావం వంటి అంశాలు ఇరు దేశాలను కలుపుతున్నాయి. సరిహద్దులో శాంతి ఉంటేనే మొత్తం సంబంధాలు మెరుగుపడతాయని భారత్‌ మొదటి నుంచీ చెబుతోంది. చైనాతో దీర్ఘకాలిక ఘర్షణ కొనసాగితే ఆర్థికంగా, వ్యూహాత్మకంగా నష్టాలు ఉంటాయనే అవగాహన కూడా భారత్‌లో ఉందని విశ్లేషకులు అభిప్రాయపడుతున్నారు.
బ్రిక్స్‌తో గ్లోబల్‌ సౌత్‌కు బలం
ప్రపంచ జనాభాలో దాదాపు సగం బ్రిక్స్‌ దేశాల్లోనే ఉంది. ప్రపంచ ఆర్థిక వ్యవస్థలో వాటి వాటా సుమారు 30 శాతం. ప్రపంచ వాణిజ్యంలో దాదాపు ఐదో వంతు బ్రిక్స్‌ దేశాలదే. దీంతో భారత్‌, చైనా కలిసి పనిచేస్తే గ్లోబల్‌ సౌత్‌పై ప్రభావం చూపేందుకు ఇది భారీ వేదికగా మారుతుంది. భౌగోళిక రాజకీయ అనిశ్చితి, ప్రపంచ వాణిజ్యంలో అంతరాయాలు పెరుగుతున్న సమయంలో బ్రిక్స్‌లో ఇరు దేశాల సమన్వయం మరింత కీలకమని ఘోషల్‌ సింగ్‌ అన్నారు.
అమెరికా టారిఫ్‌లపైనా దృష్టి
అమెరికా టారిఫ్‌ విధానాల వల్ల ఏర్పడుతున్న అనిశ్చితుల నుంచి రక్షణ పొందేందుకు బ్రిక్స్‌ ఒక వ్యూహాత్మక వేదికగా ఉపయోగపడుతుందని ఘోషల్‌ సింగ్‌ అభిప్రాయపడ్డారు. ఇలాంటి పరిస్థితుల్లో భారత్‌, చైనా మధ్య సమన్వయం పెరిగితే అభివృద్ధి చెందుతున్న దేశాల ప్రయోజనాలకు మరింత బలం చేకూరుతుందని పేర్కొన్నారు.
కేవలం ద్వైపాక్షిక భేటీ కాదు
మోదీ-జిన్‌పింగ్‌ సమావేశం కేవలం భారత్‌-చైనా సంబంధాలకే పరిమితం కాదు. అభివృద్ధి చెందుతున్న ప్రపంచానికి ఇరు దేశాలు కీలక గొంతుకలుగా ఉన్నాయి. అంతర్జాతీయ సంస్థల్లో వర్ధమాన ఆర్థిక వ్యవస్థలకు మరింత ప్రాతినిధ్యం కల్పించాలని భారత్‌, చైనా చాలాకాలంగా కోరుతున్నాయి. ఈ నేపథ్యంలో ఢిల్లీ బ్రిక్స్‌ సదస్సులో జరిగే మోదీ-జిన్‌పింగ్‌ భేటీ.. ఇటీవల మొదలైన సానుకూల వాతావరణం శాశ్వత మార్పుగా మారుతుందా? గ్లోబల్‌ సౌత్‌ కోసం ఇరు దేశాలు తమ ఉమ్మడి బలాన్ని ఒకే గొంతుగా వినిపిస్తాయా? అన్నదానిపై ఆసక్తి నెలకొంది.
