Virupaksha: జోరు మీద విరూపాక్ష.. మూడో రోజు కలెక్షన్​ ఎంతంటే?

సాయిధరమ్ తేజ్ హీరోగా నటించిన 'విరూపాక్ష' సంచలనం విజయం సాధించింది. పెద్దగా అంచనాలు లేకుండా విడుదలైన ఈ చిత్రం ప్రస్తుతం టాలీవుడ్ లో హాట్ టాపిక్ గా మారింది. మొదటి రోజు నుంచి పాజిటివ్ టాక్ రావడంతో సాయితేజ్ కెరీర్ లో బిగ్గెట్ హిట్ గా మారింది. సుకుమార్ శిష్యుడు కార్తిక్ దండు తొలిసారి దర్శకత్వం వహించిన ఈ సినిమాలో సంయుక్త మీనన్ కథానాయికగా నటించింది. బి.వి.ఎస్.ఎన్. ప్రసాద్  నిర్మించారు. సుకుమార్ స్క్రీన్ ప్లే ఇవ్వడంతో పాటు సహ నిర్మాతగా కూడా వ్యవహరించారు.

రోజు రోజుకు కలెక్షన్లను పెంచుకుంటూ ఈ సినిమా సులువుగా బ్రేక్ ఈవెన్ దిశగా సాగుతోంది. తెలుగు రాష్ట్రాల్లో మూడో రోజు ఈ చిత్రానికి రూ. 5.77 కోట్ల వసూళ్లు వచ్చాయి. మొత్తంగా మూడు రోజుల్లోనే ఇరు రాష్ట్రాల్లో రూ. 16.36 కోట్ల షేర్ కలెక్ట్ చేసింది.