Priyadarshi: 25 రోజుల్లో 'బలగం' తెచ్చిన లాభం ఎంతంటే..!

కంటెంట్ ఉంటే దానికి స్టార్స్ హెల్ప్ అవుతారు .. అంతేగానీ కేవలం స్టార్స్ వల్లనే సినిమా ఆడుతుందనేది నిజం కాదనే విషయం చాలాసార్లు రుజువైంది. కంటెంట్ ఉంటే స్టార్స్ తో పనిలేదనే విషయాన్ని కూడా ఈ మధ్య కాలంలో కొన్ని సినిమాలు నిరూపిస్తూ వస్తున్నాయి. అలాంటి సినిమాలలో ఒకటిగా 'బలగం' నిలిచింది. 

దిల్ రాజు ప్రొడక్షన్స్ లో వేణు దర్శకుడిగా ఈ సినిమా రూపొందింది. ఈ నెల 3వ తేదీన ఈ సినిమా థియేటర్లకు వచ్చింది. విడుదలకి ముందు పెద్దగా అంచనాలు లేని ఈ సినిమా, మౌత్ టాక్ తో ఆడియన్స్ ను థియేటర్లకు రప్పించింది. తెలంగాణ సంస్కృతీ సంప్రదాయాలను అద్భుతంగా ఆవిష్కరించిన జీవనచిత్రంగా ప్రశంసలను అందుకుంది. 

అలాంటి ఈ సినిమా నిన్నటితో 25 రోజులను పూర్తిచేసుకుంది. ఈ 25 రోజులలో ఈ సినిమా రెండు తెలుగు రాష్ట్రాల్లో 24.29 కోట్ల గ్రాస్ ను .. 11.14 కోట్ల షేర్ ను రాబట్టింది. ఒక్క నైజామ్ లోనే ఈ సినిమా 16.75 కోట్ల గ్రాస్ ను వసూలు చేసిందని చెబుతున్నారు. ఇంతవరకూ ఈ సినిమా 10 కోట్లకి పైగానే లాభాలను రాబట్టిందని అంటున్నారు. ఇక ఇప్పుడు ఈ సినిమా అమెజాన్ ప్రైమ్ లో అందుబాటులో ఉన్న సంగతి తెలిసిందే.