Akhilesh Yadav: పోలీసులు ఇచ్చిన టీ నిరాకరించిన అఖిలేశ్ యాదవ్... ఎందుకంటే...!
- సమాజ్ వాదీ కార్యకర్తను అరెస్ట్ చేసిన పోలీసులు
- పోలీసు కార్యాలయం ఎదుట అఖిలేశ్ నిరసన
- టీ ఇచ్చేందుకు ప్రయత్నించిన పోలీసులు
- విషం కలిపి ఉంటారేమో అంటూ నిరాకరించిన అఖిలేశ్
ఉత్తరప్రదేశ్ పోలీసులు సమాజ్ వాదీ పార్టీ కార్యకర్త మనీష్ జగన్ అగర్వాల్ ను నేడు అరెస్ట్ చేయగా, పార్టీ అధినేత అఖిలేశ్ యాదవ్ లక్నోలో పోలీసు ప్రధాన కార్యాలయం వద్ద నిరసనకు దిగారు. పోలీసులకు వ్యతిరేకంగా నినాదాలు చేశారు. ఈ సందర్భంగా పోలీసులు... అఖిలేశ్ యాదవ్ కు టీ ఇవ్వడానికి వెళ్లారు.
అయితే పోలీసులు ఇచ్చిన టీ తాగేందుకు అఖిలేశ్ యాదవ్ అంగీకరించలేదు. ఒకవేళ మీరు దీంట్లో ఏదైనా విషం కలిపి ఉంటే...? అంటూ సందేహం వ్యక్తం చేశారు. నేను ఈ టీ తాగను... మిమ్మల్ని ఎలా నమ్మగలను? అంటూ అఖిలేశ్ ఆ టీ నిరాకరించారు.
