Raviteja: శ్రీలీల డాన్స్ అదరగొట్టేసింది: రవితేజ

రవితేజ సినిమాల్లో మాస్ అంశాలు పుష్కలంగా ఉంటాయి. అన్నీ సమపాళ్లలో కుదిరిన ఆయన సినిమాలు అంచనాలను అందుకుంటూ ఉంటాయి. అలాంటి సినిమాల జాబితాలో తాజాగా 'ధమాకా' కూడా వచ్చి చేరింది. ఈ సినిమా హిట్ టాక్ తెచ్చుకోవడంతో, 'మాస్ మీట్' పేరుతో సక్సెస్ మీట్ ను నిర్వహించారు. ఈ కార్యక్రమానికి రాఘవేంద్రరావు .. హరీశ్ శంకర్ .. బండ్ల గణేశ్ హాజరయ్యారు.

ఈ ఫంక్షన్ లో రవితేజ మాట్లాడుతూ .. "ఈ సినిమాకి సంబంధించి ముందుగా నా టెక్నీషియన్స్ కి థ్యాంక్స్ చెప్పుకోవాలి. కార్తీక్ ఘట్టమనేని ఫొటోగ్రఫీ వలన ఈ సినిమా తెరపై ఇంత కలర్ఫుల్ గా కనిపించింది. మేము కూడా చాలా అందంగా కనిపించాము. ఈ సినిమా సక్సెస్ కి మొదటి కారణం భీమ్స్ అందించిన సాంగ్స్. తను ఈ సినిమాతో నెక్స్ట్ లెవెల్ కి వెళ్లిపోయాడు. 

ఇక రెండో కారణంగా నిర్మాతలు .. వాళ్ల అంకితభావాన్ని గురించి చెప్పుకోవాలి. ఈ బ్యానర్లో మళ్లీ మళ్లీ పనిచేయాలనిపిస్తోంది. మరో కారణంగా బెజవాడ ప్రసన్న కుమార్ పేరు చెప్పాలి. ఈ సినిమాలో మీరంతా ఎంజాయ్ చేస్తున్న డైలాగ్స్ ఆయన రాసినవే. ఇక శ్రీలీల టాలెంట్ .. గ్లామర్ ఈ సినిమాకి ప్లస్ అయ్యాయి. తను డాన్స్ కూడా చాలా బాగా చేసింది. ఇక ఈ బస్ కి డ్రైవర్ త్రినాథరావు అయితే నేను కండక్టర్. మీ అందరి సపోర్టు ఎప్పటికీ ఇలాగే ఉండాలని కోరుకుంటున్నాను' అంటూ ముగించాడు..