Raviteja: ప్రపంచవ్యాప్తంగా 'ధమాకా' ఫస్టు డే వసూళ్లు ఇవే!

రవితేజ తన బిరుదుకు తగినట్టుగానే తన ప్రతి సినిమాలో మాస్ కంటెంట్ ఉండేలా చూసుకుంటాడు. మాస్ డైలాగులు .. ఫైట్లు .. డాన్సులు కరెక్టుగా కుదిరిన ప్రతి సినిమా, బాక్సాఫీస్ దగ్గర భారీవసూళ్లను నమోదు చేసింది. అలాగే ఈసారి కూడా మాస్ కంటెంట్ పుష్కలంగా ఉన్న కథతో 'ధమాకా' సినిమా చేశాడు. 

నక్కిన త్రినాథరావు దర్శకత్వం వహించిన ఈ సినిమా, నిన్ననే థియేటర్లకు వచ్చింది. అక్కడక్కడా కొన్ని సీన్స్ ను పక్కన పెట్టేసి చూస్తే, రవితేజ తన నుంచి తన ఫ్యాన్స్ ఆశించే సందడి చేశాడు. ముఖ్యంగా రామ్ లక్ష్మణ్ ఫైట్స్ .. భీమ్స్ మాస్ బీట్స్ ఈ సినిమాకి హైలైట్ గా నిలిచాయి. 

ప్రపంచవ్యాప్తంగా తొలి రోజున ఈ సినిమా 10 కోట్లకి పైగా రాబట్టింది. ఈ విషయాన్ని అధికారికంగా తెలియజేస్తూ, అందుకు సంబంధించిన పోస్టర్ ను వదిలారు. ఈ శని .. ఆదివారాల్లో వసూళ్లు మరింత పెరిగే ఛాన్స్ ఉంది. దగ్గరలో పోటీ ఇచ్చే పెద్ద సినిమాలేం లేకపోవడం 'ధమాకా'కి మరింత కలిసొచ్చే అంశమనే చెప్పుకోవాలి.