'జిన్నా' నుంచి లిరికల్ సాంగ్ రిలీజ్!

మంచు విష్ణు హీరోగా 'జిన్నా' సినిమా రూపొందుతోంది. విష్ణు సొంత బ్యానర్ పై నిర్మితమవుతున్న ఈ సినిమాకి సూర్య దర్శకత్వం వహిస్తున్నాడు. రొమాంటిక్ టచ్ తో కూడిన యాక్షన్ ఎంటర్టయినర్ గా ఈ సినిమా నిర్మితమవుతోంది. ఇప్పటికే ఈ సినిమా నుంచి వదిలిన అప్ డేట్స్ అందరిలో ఆసక్తిని రేపుతూ వస్తున్నాయి.

తాజాగా ఈ సినిమా నుంచి ఒక లిరికల్ సాంగును రిలీజ్ చేశారు.'ఓ గోలీ సోడావే .. గుండెకాయ పానూ బీడావే ..మైండు కాస్త పిచ్చెక్కించే అందాలు మెక్కేశావే ' అంటూ ఈ పాట సాగుతోంది. అనూప్ రూబెన్స్ సంగీతాన్ని సమకూర్చిన ఈ పాటకి బాలాజీ సాహిత్యం అందించాడు. నకాశ్ అజాజ్ - నూతన్ మోహన్ ఆలపించారు. 

విష్ణు సరసన నాయికలుగా పాయల్ - సన్నీలియోన్ అలరించనున్నారు. ఈ మధ్య కాలంలో హీరోగాను .. నిర్మాతగాను విష్ణుకి హిట్స్ లేవు. ఈ సినిమాతో తనకి తప్పకుండా హిట్ పడుతుందనే నమ్మకంతో విష్ణు ఉన్నాడు. ఆయన నమ్మకాన్ని ఈ సినిమా ఎంతవరకూ నిలబెడుతుందనేది చూడాలి