ఎన్నికల రేసు నుంచి వైదొలగడంపై.. బైడెన్ ఆత్మకథ 'ప్రామిస్ మీ, అమెరికా'
- 'ప్రామిస్ మీ, అమెరికా' పేరుతో పుస్తకం రాసిన బైడెన్
- 2024 అధ్యక్ష రేసు నుంచి ఎందుకు తప్పుకున్నారో వెల్లడి
- తన నాలుగేళ్ల పాలనలోని సవాళ్లు, విజయాల ప్రస్తావన
- ఈ ఏడాది నవంబర్ 17న పుస్తకం విడుదల
అమెరికా మాజీ అధ్యక్షుడు జో బైడెన్ తన రాజకీయ ప్రస్థానంలోని కీలక ఘట్టాలను వివరిస్తూ 'ప్రామిస్ మీ, అమెరికా' (Promise Me, America) పేరుతో తన జ్ఞాపకాలను పుస్తక రూపంలో విడుదల చేయనున్నారు. ముఖ్యంగా, 2024 అధ్యక్ష ఎన్నికల బరి నుంచి తాను ఎందుకు వైదొలగాల్సి వచ్చిందనే అంశాన్ని ఇందులో ఆయన స్వయంగా వెల్లడించనున్నారు. ఈ పుస్తకం ఈ ఏడాది నవంబర్ 17న మార్కెట్లోకి రానుంది.
'లిటిల్, బ్రౌన్ అండ్ కంపెనీ' ప్రచురిస్తున్న ఈ పుస్తకంలో తన నాలుగేళ్ల అధ్యక్ష పాలనపై బైడెన్ విశ్లేషణలు చేయనున్నారు. జనవరి 6న క్యాపిటల్ భవనంపై జరిగిన దాడి, కోవిడ్-19 మహమ్మారి సవాళ్లు, కుదేలైన ఆర్థిక వ్యవస్థను గాడిలో పెట్టేందుకు తీసుకున్న చర్యల వంటి అనేక అంశాలను ఆయన ప్రస్తావించనున్నారు. అలాగే, మౌలిక సదుపాయాల కల్పన, తయారీ రంగ పునరుద్ధరణ, ఆరోగ్య సంరక్షణ ఖర్చుల తగ్గింపు, వాతావరణ మార్పులపై తీసుకొచ్చిన చట్టాల వంటి విశేషాలను కూడా ఈ పుస్తకంలో చేర్చారు.
2024 వేసవిలో తన పునః ఎన్నిక ప్రయత్నాలను విరమించుకోవడానికి దారితీసిన 'అత్యంత బాధాకరమైన నిర్ణయం' వెనుక ఉన్న కారణాలను బైడెన్ ఈ పుస్తకంలో వివరించనున్నట్లు తెలుస్తోంది. అప్పటి రిపబ్లికన్ అభ్యర్థి డొనాల్డ్ ట్రంప్తో జరిగిన డిబేట్లో ఆశించిన స్థాయిలో రాణించలేకపోయిన అనంతరం, జూలై 21న ఆయన రేసు నుంచి తప్పుకుని ఉపాధ్యక్షురాలు కమలా హారిస్కు మద్దతు ప్రకటించిన విషయం తెలిసిందే.
వ్యక్తిగత ఆశయాల కంటే పార్టీ, దేశ ప్రయోజనాలకే తాను ప్రాధాన్యమిచ్చినట్లు బైడెన్ పేర్కొన్నారు. అమెరికా చరిత్రలోనే అత్యంత సంక్షోభ సమయంలో దేశాన్ని తిరిగి బాటలో పెట్టేందుకు చేసిన కృషిని ఈ పుస్తకం వివరిస్తుందని ప్రచురణకర్తలు తెలిపారు. ప్రస్తుతం ఈ పుస్తకం ప్రీ-ఆర్డర్ కోసం అందుబాటులో ఉంది.
'లిటిల్, బ్రౌన్ అండ్ కంపెనీ' ప్రచురిస్తున్న ఈ పుస్తకంలో తన నాలుగేళ్ల అధ్యక్ష పాలనపై బైడెన్ విశ్లేషణలు చేయనున్నారు. జనవరి 6న క్యాపిటల్ భవనంపై జరిగిన దాడి, కోవిడ్-19 మహమ్మారి సవాళ్లు, కుదేలైన ఆర్థిక వ్యవస్థను గాడిలో పెట్టేందుకు తీసుకున్న చర్యల వంటి అనేక అంశాలను ఆయన ప్రస్తావించనున్నారు. అలాగే, మౌలిక సదుపాయాల కల్పన, తయారీ రంగ పునరుద్ధరణ, ఆరోగ్య సంరక్షణ ఖర్చుల తగ్గింపు, వాతావరణ మార్పులపై తీసుకొచ్చిన చట్టాల వంటి విశేషాలను కూడా ఈ పుస్తకంలో చేర్చారు.
2024 వేసవిలో తన పునః ఎన్నిక ప్రయత్నాలను విరమించుకోవడానికి దారితీసిన 'అత్యంత బాధాకరమైన నిర్ణయం' వెనుక ఉన్న కారణాలను బైడెన్ ఈ పుస్తకంలో వివరించనున్నట్లు తెలుస్తోంది. అప్పటి రిపబ్లికన్ అభ్యర్థి డొనాల్డ్ ట్రంప్తో జరిగిన డిబేట్లో ఆశించిన స్థాయిలో రాణించలేకపోయిన అనంతరం, జూలై 21న ఆయన రేసు నుంచి తప్పుకుని ఉపాధ్యక్షురాలు కమలా హారిస్కు మద్దతు ప్రకటించిన విషయం తెలిసిందే.
వ్యక్తిగత ఆశయాల కంటే పార్టీ, దేశ ప్రయోజనాలకే తాను ప్రాధాన్యమిచ్చినట్లు బైడెన్ పేర్కొన్నారు. అమెరికా చరిత్రలోనే అత్యంత సంక్షోభ సమయంలో దేశాన్ని తిరిగి బాటలో పెట్టేందుకు చేసిన కృషిని ఈ పుస్తకం వివరిస్తుందని ప్రచురణకర్తలు తెలిపారు. ప్రస్తుతం ఈ పుస్తకం ప్రీ-ఆర్డర్ కోసం అందుబాటులో ఉంది.
