భీమ్లా నాయక్ టీమ్ కు గ్రాండ్ గా పార్టీ ఏర్పాటు చేసిన పవన్, త్రివిక్రమ్!

పవన్ కల్యాణ్ కెరీర్ లో పెర్ఫార్మెన్స్ పరంగా భీమ్లా నాయక్ ఓ రేంజ్ లో నిలుస్తుందని సినీ విమర్శకులు సైతం ప్రశంసిస్తున్నారు. ఫిబ్రవరి 25న విడుదలైన ఈ చిత్రం ఘనవిజయం అందుకుంది. ఈ నేపథ్యంలో, విజయోత్సవ ప్రెస్ మీట్ నిర్వహించిన భీమ్లా నాయక్ చిత్రబృందం ఆపై గ్రాండ్ గా పార్టీ చేసుకున్నట్టు తెలుస్తోంది. ఈ పార్టీ పవన్ కల్యాణ్, త్రివిక్రమ్ శ్రీనివాస్ ఏర్పాటు చేసినట్టు సమాచారం. 

ఈ పార్టీకి సంబంధించిన ఫొటోలు, వీడియోలు సామాజిక మాధ్యమాల్లో విరివిగా దర్శనమిస్తున్నాయి. పవన్, త్రివిక్రమ్, తమన్ సహా భీమ్లా నాయక్ టీమ్ కు పనిచేసినవాళ్లందరూ ఈ పార్టీలో దర్శనమిచ్చారు. కాగా, పవన్ కారు దిగి రాగా, బాణసంచాతో స్వాగతం పలికారు. పవన్ ను త్రివిక్రమ్ ఆత్మీయ ఆలింగనం చేసుకున్నారు.