రైలులో ప్ర‌యాణికుడిని త‌న్నిన పోలీసు.. వీడియో వైర‌ల్

రైలులో ఓ ప్రయాణికుడిని కాలితో త‌న్నాడు ఓ పోలీసు. ఇందుకు సంబంధించిన వీడియో వైర‌ల్ కావ‌డంతో అధికారులు దీనిపై స్పందించి ఆ పోలీసుపై స‌స్పెన్ష‌న్ వేటు వేశారు. కేర‌ళ‌లో ఈ ఘ‌ట‌న చోటు చేసుకుంది. మావ‌ళి ఎక్స్‌ప్రెస్ రైలులో ఓ ప్రయాణికుడు టికెట్ తీసుకోకుండా ప్ర‌యాణిస్తున్నాడు.

ఈ విష‌యాన్ని గుర్తించిన ఓ కానిస్టేబుల్ ఆ ప్ర‌యాణికుడిపై దాడికి దిగాడు. ప్రయాణికుడు మ‌ద్యం తాగి ఉన్నాడ‌ని ఆ కానిస్టేబుల్ భావించాడు. అత‌డి ప‌క్కటెముక‌ల‌పై కానిస్టేబుల్ త‌న్నాడు. దీంతో ఆ ప్ర‌యాణికుడు కింద‌ప‌డిపోయాడు. ఈ దృశ్యాల‌ను రైలులోని ఓ వ్య‌క్తి స్మార్ట్ ఫోనులో చిత్రీక‌రించాడు.