ద‌ర్శ‌కుడు వీవీ వినాయ‌క్‌ను క‌లిసిన ఏపీ మంత్రి అవంతి

విశాఖపట్నం భీమిలి బీచ్‌లో హిందీ ఛ‌త్ర‌ప‌తి సినిమా షూటింగ్ కొన‌సాగుతోంది. ఈ నెల 10 వ‌ర‌కు ఇదే బీచ్‌లో షూటింగ్ ఉంటుంది. ఈ సినిమాకు వీవీ వినాయక్ దర్శకత్వం వ‌హిస్తుండ‌గా, బెల్లంకొండ సాయి శ్రీనివాస్‌ హీరోగా నటిస్తున్నాడు. ఈ సంద‌ర్భంగా షూటింగ్‌లో ఉన్న వీవీ వినాయక్‌ను ఏపీకి చెందిన ప్ర‌ముఖులు క‌లుస్తున్నారు.

తాజాగా వినాయ‌క్ ను మంత్రి ముత్తంశెట్టి శ్రీనివాసరావు మర్యాదపూర్వకంగా కలిశారు. వీవీ వినాయక్‌ తనకు మంచి మిత్రుడని ఆయ‌న చెప్పారు. వీవీ వినాయ‌క్‌ స్వయం కృషితో  దర్శకునిగా ఎదిగారని అన్నారు. హిందీలోనూ ఛ‌త్ర‌ప‌తి సినిమా విజయం సాధిస్తుంద‌ని చెప్పారు. బాలీవుడ్‌లో ఎంట్రీ ఇస్తోన్న‌ వీవీ వినాయ‌క్ అక్కడ రాణిస్తార‌ని ఆయ‌న అన్నారు.