Akhil: మేజర్ షెడ్యూల్ పూర్తి చేసిన 'ఏజెంట్'

అఖిల్ ఇప్పుడు మంచి ఉత్సాహంగా ఉన్నాడు. చాలా కాలం తరువాత 'మోస్ట్ ఎలిజిబుల్ బ్యాచ్ లర్' సినిమాతో ఆయనకు హిట్ పడింది. ప్రస్తుతం ఆయన 'ఏజెంట్' సినిమాతో బిజీగా ఉన్నాడు. రామబ్రహ్మం సుంకర నిర్మిస్తున్న ఈ సినిమాకి, సురేందర్ రెడ్డి దర్శకత్వం వహిస్తున్నాడు.

ఈ సినిమా నుంచి వచ్చిన అఖిల్ లుక్ .. అందరిలో ఆసక్తిని రేకెత్తించింది. ఇది ఒక స్పై థ్రిల్లర్ .. కథ ప్రకారం విశాఖపట్నం .. కృష్ణపట్నం పోర్టులలో కీలకమైన సన్నివేశాలను చిత్రీకరించారు. గత కొన్ని రోజులుగా ఈ సినిమా యూరప్ లోని బడా ఫెస్ట్ లో మేజర్ షెడ్యూల్ షూటింగును జరుపుకుంటూ వచ్చింది.

రీసెంట్ గా అక్కడ షూటింగును పూర్తిచేసిన ఈ సినిమా టీమ్ హైదరాబాద్ చేరుకుంది. తదుపరి షెడ్యూల్ ను హైదరాబాద్ లోనే ప్లాన్ చేశారట. దీంతో చాలావరకూ షూటింగు పార్టు పూర్తవుతుందని అంటున్నారు. కథానాయికగా సాక్షి వైద్య పరిచయమవుతుండగా, ఒక కీలకమైన పాత్రలో మమ్ముట్టి కనిపించనున్నారు..