పవన్ కల్యాణ్ 'లాల భీమ్లా' ప్రోమో విడుదల

జనసేనాని పవన్ కల్యాణ్ తాజా చిత్రం 'భీమ్లా నాయక్'పై భారీ అంచనాలు నెలకొన్నాయి. రానా దగ్గుబాటి కూడా ఈ చిత్రంలో నటిస్తుండటం ప్రేక్షకుల్లో ఆసక్తిని మరింత పెంచుతోంది. సాగర్ కె చంద్ర ఈ చిత్రానికి దర్శకత్వం వహిస్తుండగా... సూర్యదేవర నాగవంశీ నిర్మాతగా వ్యవహరిస్తున్నారు. స్క్రీన్ ప్లే, సంభాషణలు త్రివిక్రమ్ శ్రీనివాస్ అందించారు.

ఈ చిత్రానికి సంబంధించి ఇప్పటి వరకు విడుదలైన ప్రతిది ట్రెండ్ సెట్టర్ గా నిలుస్తోంది. తాజాగా దీపావళి సందర్భంగా 'లాల భీమ్లా' అనే ప్రోమోని చిత్ర యూనిట్ విడుదల చేసింది. 'లాల భీమ్లా' పాటను ఈ నెల 7న విడుదల చేయబోతున్నట్టు ప్రోమో చివర్లో ప్రకటించారు.