క‌ర్ణాట‌క ముఖ్య‌మంత్రిగా బ‌స‌వ‌రాజ్ బొమ్మై ప్ర‌మాణ స్వీకారం

28-07-2021 Wed 11:22
  • బొమ్మైతో ప్ర‌మాణ స్వీకారం చేయించిన‌ గ‌వ‌ర్న‌ర్ గ‌హ్లోత్
  • పాల్గొన్న య‌డియూర‌ప్ప
  • ఉపముఖ్యమంత్రులుగా ఆర్‌.అశోక్‌, బి.శ్రీరాములు, గోవింద  
Basavaraj Bommai sworn in as the new Chief Minister of Karnataka

క‌ర్ణాట‌క ముఖ్య‌మంత్రిగా బ‌స‌వ‌రాజ్ బొమ్మైతో రాష్ట్ర గ‌వ‌ర్న‌ర్ థావర్ చంద్ గ‌హ్లోత్ ప్ర‌మాణ స్వీకారం చేయించారు. ఈ కార్య‌క్ర‌మంలో తాజా మాజీ ముఖ్య‌మంత్రి య‌డియూర‌ప్ప కూడా పాల్గొన్నారు. బీజేపీ అధిష్ఠానం వ్యూహాత్మ‌కంగా వ్య‌వ‌హ‌రించ‌డంతో బసవరాజ్ బొమ్మై నాయకత్వాన్ని క‌ర్ణాట‌క బీజేపీ నేత‌లు అందరూ ఆమోదించారు.

ఇంత‌కు ముందు వ‌ర‌కు హోంమంత్రిగా బసవరాజ్ బొమ్మై కొన‌సాగారు. ఆయ‌న‌ మాజీ ముఖ్యమంత్రి ఎస్ఆర్ బొమ్మై కుమారుడు. అంతేగాక‌, యడియూరప్పకు అత్యంత సన్నిహితుడిగా పేరుతెచ్చుకున్నారు. కాగా, క‌ర్ణాట‌క‌కు ముగ్గురు ఉపముఖ్యమంత్రులను నియమించారు. ఆర్‌.అశోక్‌, బి.శ్రీరాములు, గోవింద కారజోళ ఆ పదవులను చేప‌ట్ట‌నున్నారు.