Sumanth: సుమంత్ హీరోగా కొత్త చిత్రం ప్రారంభం

సుమంత్ చాలా కాలంగా తన కెరియర్ ను కొనసాగిస్తున్నాడు. తన బాడీ లాంగ్వేజ్ కి తగిన పాత్రలను మాత్రమే ఎంచుకుంటూ ముందుకు వెళుతున్నాడు. జయాపజయాల సంగతి అటుంచితే, సాధ్యమైనంత వరకూ కొత్త కథలతోనే ప్రేక్షకుల ముందుకు వెళ్లడానికి తనవంతు ప్రయత్నం చేస్తున్నాడు. 'ఇదమ్ జగత్' .. 'కపటధారి' సినిమాలు ఈ విషయాన్నే స్పష్టం చేస్తాయి. తాజాగా ఆయన మరో ప్రాజెక్టుతో పట్టాలపైకి వెళ్లాడు. కీర్తికుమార్ ఈ సినిమాతో దర్శకుడిగా పరిచయమవుతున్నాడు.కొంతసేపటిక్రితం ఈ సినిమా పూజా కార్యక్రమాలను జరుపుకుంది. రెడ్ సినిమాస్ వారు ఈ సినిమాను నిర్మిస్తుండగా, అనూప్ రూబెన్స్ సంగీతాన్ని సమకూర్చుతున్నాడు. శివకుమార్ ఛాయాగ్రాహకుడిగా వ్యవహరించనున్నాడు. త్వరలోనే ఈ సినిమా రెగ్యులర్ షూటింగ్ మొదలుకానుంది. ఇక ఈ సినిమాకి సంబంధించిన మిగతా వివరాలను త్వరలో వెల్లడించనున్నారు. చాలాకాలంగా సరైన హిట్ కోసం వెయిట్ చేస్తున్న సుమంత్ కి, ఈ సినిమా ఆ ముచ్చట తీరుస్తుందేమో చూడాలి.