తెలంగాణలో ఇంటర్ ప్రాక్టికల్ పరీక్షలు వాయిదా

03-04-2021 Sat 19:40
  • వాస్తవానికి ఈ నెల 7 నుంచి ప్రాక్టికల్స్
  • తెలంగాణలో కరోనా వ్యాప్తి తీవ్రం
  • థియరీ పరీక్షల తర్వాత ప్రాక్టికల్స్ నిర్వహణ
  • మే 29 నుంచి జూన్ 7 వరకు ప్రాక్టికల్స్
  • థియరీ పరీక్షల నిర్వహణపైనా అనుమానాలు
Inter practicals in Telangana postponed

తెలంగాణలో కరోనా వ్యాప్తి నేపథ్యంలో విద్యాసంస్థలు మూసివేసిన సంగతి తెలిసిందే. ఈ క్రమంలో ఇంటర్మీడియట్ ప్రాక్టికల్ పరీక్షలు కూడా వాయిదా వేశారు. వాస్తవానికి ఈ నెల 7 నుంచి ఇంటర్ ప్రాక్టికల్ పరీక్షలు నిర్వహించాల్సి ఉంది. అయితే, రాష్ట్రంలో కొవిడ్ కేసులు భారీగా వస్తున్న పరిస్థితుల్లో ప్రాక్టికల్స్ నిర్వహించకపోవడమే మంచిదని ప్రభుత్వం భావిస్తోంది.

థియరీ పరీక్షల తర్వాత మే 29 నుంచి జూన్ 7 వరకు ప్రాక్టికల్ పరీక్షలు నిర్వహించాలని ఇంటర్ బోర్డు తాజాగా నిర్ణయించింది. కాగా, రాష్ట్రంలోని ఇంటర్ విద్యార్థులు ప్రాక్టికల్ పరీక్షలకు ఇప్పటికే ఫీజులు కట్టేశారు. చివరి నిమిషంలో కరోనా కారణంగా ప్రాక్టికల్స్ వాయిదా వేసిన నేపథ్యంలో, థియరీ పరీక్షల నిర్వహణపైనా అనుమానాలు నెలకొన్నాయి.