పోలవరంలో చంద్రబాబు కట్టిన గ్రాఫిక్స్ చూడ్డానికి వెళ్లిన సీఎం జగన్ కు ధన్యవాదాలు: గోరంట్ల వ్యంగ్యం

ఏపీ సీఎం జగన్ పోలవరం ప్రాజెక్టును సందర్శించడం పట్ల టీడీపీ సీనియర్ నేత గోరంట్ల బుచ్చయ్య చౌదరి స్పందించారు. సోమవారం రోజున పోలవరంలో చంద్రబాబు కట్టిన గ్రాఫిక్స్ చూడ్డానికి వెళ్లిన సీఎం జగన్ కు ధన్యవాదాలు అంటూ వ్యంగ్యం ప్రదర్శించారు. పోలవరం ప్రాజెక్టును గ్రాఫిక్స్ అన్నారు... మరి ఇప్పుడు ఏకంగా పర్యటనలు ఏంటో అని వ్యాఖ్యానించారు. అందుకే ఎఫ్2 సీఎం అంటున్నారని, ఫేక్ అండ్ ఫెయిల్యూర్ సీఎం అని విమర్శించారు. కొంపదీసి ప్రాజెక్టుకు కూడా రంగులు వేయిస్తారా? అని ఎద్దేవా చేశారు.