Chiranjeevi: 'ఆచార్య' మోషన్ పోస్టర్ ను విడుదల చేసిన చిరంజీవి.. వీడియో ఇదిగో!

మెగాస్టార్ చిరంజీవి, కొరటాల శివ కాంబినేషన్లో తెరకెక్కుతున్న చిత్రం 'ఆచార్య'. చిరంజీవి కెరీర్లో ఇది 152వ చిత్రం. రామ్ చరణ్, మాట్నీ మూవీస్ నిరంజన్ రెడ్డి ఈ చిత్రాన్ని సంయుక్తంగా నిర్మిస్తున్నారు. మరోవైపు అభిమానులు ఎంతగానో ఎదురు చూస్తున్న తరుణం ఆసన్నమైంది.

ఈరోజు చిరంజీవి పుట్టినరోజు సందర్భంగా ఈ చిత్రానికి సంబంధించిన ఫస్ట్ లుక్ మోషన్ పోస్టర్ ను కాసేపటి క్రితం విడుదల చేశారు. జనం కోసం పోరాడుతున్న వ్యక్తిగా చిరంజీవి కనిపిస్తున్నారు. ధర్మస్థలి అనే ఊరి ప్రజల కోసం చిరు కత్తిని చేతపట్టినట్టుగా పోస్టర్ లో ఉంది. ఈ పోస్టర్ చిరు అభిమానులను విపరీతంగా ఆకట్టుకుంటోంది. ఈ పోస్టర్ ను చిరు తన ట్విట్టర్ అకౌంట్ ద్వారా పోస్ట్ చేశారు.