Kerala: పరిగెత్తుకెళ్లి బస్సును ఆపి.. కంటి చూపు లేని వృద్ధుడికి మహిళ సాయం.. వీడియో వైరల్

పరిగెత్తుకెళ్లి బస్సును ఆపి, కంటి చూపు లేని ఓ వృద్ధుడిని తీసుకెళ్లి బస్సు ఎక్కించిన ఓ మహిళ నలుగురికీ ఆదర్శంగా నిలిచింది. ఇందుకు సంబంధించిన వీడియోను విజ‌య్ కుమార్ అనే ఐపీసీ అధికారి తన ట్విట్టర్ ఖాతాలో పోస్ట్ చేశారు. ఈ వీడియో వైరల్ అవుతోంది. ఈ ఘటన కేరళలో చోటుచేసుకుంది. సదరు మహిళపై నెటిజన్లు ప్రశంసల జల్లు కురిపిస్తున్నారు. ‌

ఓ బస్సు ఎక్కుదామని కంటి చూపు లేని వృద్ధుడు ప్రయత్నించాడు. అయితే, అది అప్పటికే ముందుకు వెళ్లిపోయింది. ఈ విషయాన్ని గమనించిన అక్కడి ఓ మహిళ పరుగులు తీసి బస్సుని ఆపి కాసేపు ఉండమని కోరింది. మళ్లీ వెనక్కి పరిగెత్తి ఆ వృద్ధుడి చేతిని పట్టుకుని వచ్చి బస్సు ఎక్కించి వెళ్లిపోయింది. ఆమె చూపిన మానవత్వానికి నెటిజన్లు సెల్యూట్ చేస్తున్నారు.