విద్యార్థుల తల్లిదండ్రులకు ఒక సూచన: తెలంగాణ మంత్రి కేటీఆర్‌

లాక్‌డౌన్‌ విధించిన నేపథ్యంలో విద్యార్థుల తల్లిదండ్రులకు తెలంగాణ మంత్రి కేటీఆర్‌ ఓ సూచన చేశారు. 'లాక్ డౌన్ సమయాన్ని పిల్లలు, కళాశాల విద్యార్థులు సద్వినియోగం చేసుకోవడానికి తల్లిదండ్రులకు ఒక సూచన.. రాష్ట్ర ప్రభుత్వ టి-సాట్ ఛానెళ్ల ద్వారా ఇంటివద్దనే గణితం, స్పోకెన్ ఇంగ్లిష్, మరెన్నో నేర్చుకోవచ్చు. పోటీ పరీక్షలకు సిద్ధం కావచ్చు' అని తెలిపారు.

'టీ-సాట్ విద్య, నిపుణ ఛానెళ్ల  ప్రసారాలు కేబుల్ నెట్‌వర్క్ ద్వారా, వెబ్‌సైట్ http://tsat.tv, లేదా Youtube/tsatnetwork, T-SAT Mobile App లలో అందుబాటులో ఉంటాయి' అని ఆయన చెప్పారు.