Samantha: సినిమా కబుర్లు.. సంక్షిప్త సమాచారం 

 *  అందాలతార సమంత ఇటీవల తమిళ దర్శకుడు అశ్విన్ శరవణన్ దర్శకత్వంలో ఓ చిత్రం చేయడానికి అంగీకరించింది. అయితే, ఈ చిత్రం హీరోయిన్ ఓరియెంటెడ్ కథాంశంతో థ్రిల్లర్ గా రూపొందుతుందని తెలుస్తోంది. ఇందులో 'జీన్స్' ఫేం ప్రశాంత్ హీరోగా నటిస్తాడు. 

*  విష్వక్సేన్ హీరోగా శైలేశ్ కొలను దర్శకత్వంలో ఇటీవల వచ్చిన 'హిట్' చిత్రం ప్రేక్షకులను ఆకట్టుకుంది. ఈ చిత్రాన్ని నిర్మించిన హీరో నాని కూడా ప్రాజక్టు పట్ల హ్యాపీ ఫీలయ్యాడు. ఈ నేపథ్యంలో నానితో కూడా ఓ చిత్రం చేయడానికి శైలేశ్ ప్లాన్ చేస్తున్నాడని, ఇప్పటికే స్టోరీ లైన్ చెప్పాడని అంటున్నారు.

*  ప్రభాస్ హీరోగా రాధాకృష్ణ కుమార్ దర్శకత్వంలో రూపొందుతున్న చిత్రం షూటింగ్ జార్జియాలో కొనసాగుతోంది. ఈ చిత్రం షూటింగ్ కోసం వెళ్లిన కథానాయిక పూజ హెగ్డే ఒక రోజు బ్రేక్ రావడంతో నగర సందర్శనకు వెళ్లిందట. అందుకు సంబంధించిన ఫొటోలను తాజాగా సోషల్ మీడియాలో అభిమానులతో పంచుకుంది.