Corona Virus: కరోనా పారిపోవాలంటూ మహిళల సాంగ్... వైరల్ అవుతున్న పాట ఇదే!
- దాదాపు 100 దేశాల్లో విస్తరించిన వైరస్
- కాంగ్రెస్ నేత కృష్ణ మోహన్ షేర్ చేసిన పాట
- 69 వేలకు పైగా వ్యూస్
దాదాపు 100 దేశాలకు విస్తరించి, వేలాది మంది ప్రాణాలను బలిగొన్న కరోనా వైరస్ ఇండియాలో విస్తరించకుండా ఉండాలని కోరుతూ, వైరస్ పారిపోవాలన్న అర్థంలో కొందరు మహిళలు పాడుతున్న ఓ పాట ఇప్పుడు సోషల్ మీడియాలో వైరల్ అవుతోంది.
ఢిల్లీ కాంగ్రెస్ నేత కృష్ణ మోహన్ శర్మ, ఈ పాటకు సంబంధించిన వీడియోను పోస్ట్ చేశారు. ఇప్పటికే ఇది 69 వేలకు పైగా వ్యూస్ తెచ్చుకుని దూసుకెళుతోంది. కాగా, కరోనాపై ఇప్పటికే పలు పాటలు, మీమ్స్, వీడియోలు సోషల్ మీడియాను ముంచేస్తున్నాయి.
