'అహం బ్రహ్మాస్మి' నుంచి ఆసక్తిని రేకెత్తిస్తున్న ఫస్టులుక్

04-03-2020 Wed 18:18
  • నిర్మాతగా మారిన మనోజ్ 
  •  సాహసంతో కూడిన ప్రయత్నం 
  • నాలుగు భాషల్లో విడుదల  
Aham Brahmasmi Movie
వరుస పరాజయాల కారణంగా మంచు మనోజ్ కొంత గ్యాప్ తీసుకున్నాడు. ఇటీవలే ఆయన సొంత బ్యానర్ ను ఏర్పాటు చేసుకున్నాడు. ఈ బ్యానర్ పై తనే హీరోగా ఒక సినిమాను నిర్మిస్తున్నట్టు చెప్పాడు. ఈ సినిమాకి 'అహం బ్రహ్మాస్మి' అనే టైటిల్ ను ఖరారు చేసుకున్నాడు. తాజాగా కొంతసేపటి క్రితం ఈ సినిమా నుంచి తన ఫస్టులుక్ ను వదిలాడు.

విభూతి రేఖలపై కుంకుమ రేఖను ధరించిన ఆయన లుక్ విభిన్నంగా వుంది. మనోజ్ చెప్పినట్టుగానే ఈ సినిమాలో ఆయన డిఫరెంట్ గా కనిపించనున్నట్టు తెలుస్తోంది. తెలుగుతో పాటు తమిళ .. మలయాళ .. కన్నడ భాషల్లో ఈ సినిమాను విడుదల చేయనున్నారు. ఈ సినిమాకి శ్రీకాంత్ రెడ్డి దర్శకుడిగా వ్యవహరిస్తున్నాడు. భారీ బడ్జెట్ తో .. విభిన్నమైన కాన్సెప్ట్ తో మనోజ్ సాహసంతో కూడిన ప్రయోగమే చేస్తున్నాడు. నిర్మాతగా .. కథానాయకుడిగా ఆయన చేస్తున్న ప్రయత్నం ఎలాంటి ఫలితాన్ని ఇస్తుందో చూడాలి.