Pavan kalyan: 'వకీల్ సాబ్' కి హైలైట్ గా నిలవనున్న నివేదా థామస్ రోల్

హిందీలో కొంతకాలం క్రితం వచ్చిన 'పింక్' సినిమాను తెలుగులోకి రీమేక్ చేస్తున్నారు. రాజు - శిరీష్ నిర్మిస్తున్న ఈ సినిమాకి, బోనీకపూర్ సమర్పకులుగా వ్యవహరిస్తున్నారు. పవన్ కల్యాణ్ ప్రధాన పాత్రధారిగా నటిస్తున్న ఈ సినిమా, చకచకా షూటింగు జరుపుకుంటోంది. వేణు శ్రీరామ్ దర్శకత్వం వహిస్తున్న ఈ సినిమాలో నివేదా థామస్ ఒక కీలకమైన పాత్రను పోషిస్తోంది.

ఈ సినిమాకి ఆమె పాత్ర హైలైట్ గా నిలుస్తుందని అంటున్నారు. ఎమోషన్ తో సాగే ఈ పాత్రలో ఆమె జీవిస్తోందని చెబుతున్నారు. ఈ పాత్రకి మంచి అభినయ సామర్థ్యం కలిగిన నటి అవసరమని భావించే నివేదా థామస్ ను ఎంపిక చేసుకున్నారట. అనుకున్నట్టుగానే ఆమె ఈ పాత్రకి పూర్తి న్యాయం చేస్తోందని యూనిట్ సభ్యులు చెబుతున్నారు. ఈ సినిమా తరువాత నివేదా కెరియర్ గ్రాఫ్ మరింత పెరిగిపోవడం ఖాయమనే అభిప్రాయాన్ని వ్యక్తం చేస్తున్నారు. ఇకపై ఆమె నాయిక ప్రాధాన్యత కలిగిన పాత్రలను చేసే అవకాశాలు కూడా ఎక్కువని అంటున్నారు.