Naga Chaitanya: 'లవ్ స్టోరీ' నుంచి రానున్న 'ఏయ్ పిల్లా' సాంగ్

నాగచైతన్య కథానాయకుడిగా.. సాయిపల్లవి కథానాయికగా 'లవ్ స్టోరీ' రూపొందుతోంది. శేఖర్ కమ్ముల దర్శకత్వం వహిస్తున్న ఈ సినిమాపై యూత్ లో మంచి ఆసక్తి వుంది. ఇది ప్రేమ కథాంశం కావడం వలన, ప్రపంచ ప్రేమికుల దినోత్సవం సందర్భంగా ఈ నెల 14వ తేదీన ఉదయం 11 గంటల 07 నిమిషాలకు ఈ సినిమా నుంచి 'ఏయ్ పిల్లా' సాంగును విడుదల చేయనున్నారు.

'ఫిదా' హిట్ తరువాత శేఖర్ కమ్ముల నుంచి రానున్న సినిమా కావడంతో అందరిలో అంచనాలు పెరుగుతున్నాయి. 'ఫిదా'లో సాయి పల్లవి తెలంగాణ యాస మాట్లాడితే, ఈ సినిమాలో చైతూ తెలంగాణ యాస మాట్లాడనున్నాడు. ఈ సినిమా కోసం ఆయన తెలంగాణ యాస నేర్చుకోవడం విశేషం. నారాయణ దాస్ నారంగ్ .. రామ్ మోహన్ రావ్ నిర్మిస్తున్న ఈ సినిమాను వేసవిలో విడుదల చేయనున్నారు.