నిర్మాతగా బాలీవుడ్ శృంగార తార సన్నీలియోన్!

బాలీవుడ్ శృంగార తారగా గుర్తింపుపొందిన సన్నీ లియోన్ చిత్ర నిర్మాతగా అవతారం ఎత్తనుంది. ఒక పక్క సినిమాలు, మరోపక్క వెబ్ సిరీస్ లతో సన్నీ బిజీగా ఉన్నప్పటికీ.. నిర్మాతగా కొత్త బాధ్యతను చేపట్టడానికి సిద్ధమైంది. బాలీవుడ్ లో ఇప్పటికే చాలామంది నటీనటులు నిర్మాతలుగా కూడా రాణిస్తున్న విషయం తెలిసిందే. ఇప్పుడు ఆ కోవలోకి సన్నీ లియోన్ కూడా చేరుతోంది.

ప్రొడక్షన్ హౌస్ కు సంబంధించిన వ్యవహారాలన్నీ తన భర్త డేనియల్ వెబర్ చూసుకుంటారని సన్నీ చెప్పింది. సినిమాకు కావలసిన బడ్జెట్, కథ మన అధీనంలో ఉన్నప్పుడు ఎవరినీ నిందించాల్సిన అవసరం ఉండదని సన్నీ పేర్కొంది. తమ చిత్రం ఈ ఏడాది సెట్స్ మీదకు వెళుతుందని చెబుతూ.. నిర్మాణ బాధ్యతలు కొత్త అయినప్పటికీ.. తనకు చాలా ఉత్సాహంగా ఉందంది.

ఈ సినిమాలో సందేశాలుండవని, ఇది ఒక ఫిక్షన్, సైకలాజికల్ థ్రిల్లర్ అని చెప్పింది. ‘నిర్మాతనని నాకు ఎలాంటి ఇగో లేదు. సినిమా సెట్ లో టీ అందించమన్నా ఎలాంటి సంకోచం లేకుండా అందిస్తా. నాకు అందరూ సమానమే’ అని సన్నీ చెప్పుకొచ్చింది.