టీడీపీ కార్యకర్త కాళ్లకు నమస్కారం చేసిన చంద్రబాబు... వీడియో ఇదిగో!

వైఎస్ఆర్ కాంగ్రెస్ పార్టీకి చెందిన కొందరు స్థానిక నాయకులు, తనను తెలుగుదేశం పార్టీకి రాజీనామా చేసి, తమ పార్టీలో చేరాలని ఒత్తిడి తెస్తున్నారని, తాను మాత్రం ప్రాణం పోయినా టీడీపీని వీడనని, వణుకుతున్న చేతులు, భయం నిండిన మాటలతో ఓ సీనియర్ కార్యకర్త మాట్లాడగా, చంద్రబాబునాయుడు చలించిపోయారు. మీ వంటి కార్యకర్తలే పార్టీకి బలమంటూ, అతని పాదాలకు నమస్కరించారు.

ఈ ఘటన కడప జిల్లాలో పార్టీ సమావేశంలో కనిపించింది. తనను వైసీపీ కార్యకర్తలు కొట్టారని అతను చెప్పగా, చంద్రబాబు ఓదార్చారు. ఈ సందర్భంగా ఆయన మాట్లాడుతూ, సీఎం జగన్, తన పార్టీ కార్యకర్తలను స్వయంగా ఇటువంటి ఘటనలకు పురికొల్పుతున్నారని ఆరోపించారు.