కీర్తి సురేశ్ ఆ సినిమా చేయడం లేదని చెప్పడానికి అదే కారణమట!

తెలుగు .. తమిళ భాషల్లో గ్లామర్ పరంగా .. నటన పరంగా కీర్తి సురేశ్ మంచి మార్కులను సంపాదించుకుంది. తమిళంలో స్టార్ హీరోల సరసన ఆమె చేసిన సినిమాలు త్వరలో ప్రేక్షకుల ముందుకు రావడానికి రెడీ అవుతున్నాయి. ఈ నేపథ్యంలోనే శశికుమార్ హీరోగా ప్రభాకరన్ దర్శకత్వంలో ఆమె ఒక సినిమా చేయనున్నట్టు వార్తలు వస్తున్నాయి.

తాజాగా ఈ విషయంపై కీర్తి సురేశ్ స్పందిస్తూ .. తాను ఈ ప్రాజెక్టు చేయనున్నట్టుగా వస్తోన్న వార్తల్లో నిజం లేదని చెప్పింది. అయితే ఆమె ఇలా చెప్పడానికి కారణం .. దర్శకుడు వెంకట్ ప్రభు ప్రాజెక్టులో చేయడానికి అంగీకరించడమేననే టాక్ వినిపిస్తోంది. రాజకీయాల నేపథ్యంలో సాగే ఈ సినిమాలో కీర్తి సురేశ్ పాత్రకి మంచి ప్రాధాన్యత ఉందట. అందువల్లనే ఆమె శశికుమార్ సినిమాకి కాకుండా వెంకట్ ప్రభు సినిమాకి డేట్స్ ఇచ్చిందని అంటున్నారు. ఈ విషయాన్ని అధికారికంగా ప్రకటించడానికి కొంత సమయం వుందట. ఇక శశికుమార్ సినిమాలో కథానాయికగా ఎవరికి చోటు దొరుకుతుందో చూడాలి.