దుమ్మురేపేస్తోన్న 'పందెం కోడి 2' టీజర్

విశాల్ .. కీర్తి సురేశ్ జంటగా లింగుస్వామి దర్శకత్వంలో 'పందెం కోడి 2' చిత్రం రూపొందింది. గతంలో ఘన విజయాన్ని అందుకున్న 'పందెం కోడి' సినిమాకి ఇది సీక్వెల్. మాస్ యాక్షన్ ఎంటర్టైనర్ గా నిర్మితమైన ఈ సినిమాను, తమిళ .. తెలుగు భాషల్లో అక్టోబర్ 18వ తేదీన విడుదల చేయనున్నారు. తాజాగా ఈ సినిమా నుంచి ఒక టీజర్ ను రిలీజ్ చేశారు.

ఇది పూర్తిగా గ్రామీణ నేపథ్యంలో కొనసాగే కథ అనే విషయం ఈ టీజర్ ను బట్టి అర్థమవుతోంది. ప్రధాన పాత్రధారులందరినీ కవర్ చేస్తూ ఈ టీజర్ ను కట్ చేశారు. దేవాలయం .. జాతర నేపథ్యంలోని సన్నివేశాలతో ఈ టీజర్ ను కట్ చేసి వదిలారు. లవ్ .. యాక్షన్ .. వరలక్ష్మీ శరత్ కుమార్ విలనీ షేడ్ ప్రధానంగా ఈ టీజర్ కొనసాగింది. "నేనింకా ఆడుకోవడం మొదలు పెట్టలేదు .. అడ్డుకోవడమే మొదలు పెట్టాను" .. "ఇది పులి .. మేక ఆట కాదు .. పులి - మేక కలిసి ఆడే ఆట" అనే డైలాగ్స్ ఆకట్టుకునేలా వున్నాయి.