Gujarath: గుజరాత్ లో రోడ్డు ప్రమాదం.. ఏడుగురు చిన్నారుల దుర్మరణం!
గుజరాత్ లోని పంచమహల్ సమీపంలో ఈ తెల్లవారుజామున ఘోర రోడ్డు ప్రమాదం జరిగింది. 10 మందితో ప్రయాణిస్తున్న ఓ కారు అదుపుతప్పి పక్కనే ఉన్న కాలువలోకి దూసుకెళ్లగా, ఏడుగురు చిన్నారులు మృతిచెందారు. కారు కాలువలో పడిన విషయాన్ని గమనించి స్థానికులు వారిని రక్షించేందుకు ప్రయత్నించేలోపే జరగాల్సిన ఘోరం జరిగిపోయింది. కారు నుంచి ముగ్గురు పెద్దవాళ్లను మాత్రం రక్షించినట్టు తెలుస్తోంది. ఈ ముగ్గురికీ గాయాలు కాగా, పోలీసులు వారిని ఆసుపత్రికి తరలించారు. మృతిచెందిన పిల్లలంతా ఏడు నుంచి 16 సంవత్సరాల మధ్య వయసువారే. కేసు నమోదు చేసుకుని దర్యాఫ్తు చేస్తున్నట్టు పోలీసులు వెల్లడించారు. మృతుల వివరాలు తెలుసుకునేందుకు ప్రయత్నాలు చేస్తున్నామని అన్నారు.
