అమెరికా .. ఆస్ట్రేలియాల్లో తగ్గని 'భరత్' దూకుడు
- హిట్ అనిపించుకున్న 'భరత్'
- విదేశాల్లో భారీ వసూళ్లు
- ఫుల్ రన్లో మరిన్ని వసూళ్లు
'భరత్ అనే నేను' గురించి ఎక్కడా ఎప్పుడూ ఎలాంటి గొప్పలు చెప్పకుండానే కొరటాల శివ సైలెంట్ గా హిట్ కొట్టాడు. ఇక మహేశ్ కూడా అంతే సైలెంట్ గా ఘన విజయాన్ని అందుకున్నాడు. కథాకథనాలను తెరపై ఆవిష్కరించిన తీరుకు .. పాత్రలను మలచిన విధానానికి నూటికి నూరు మార్కులు పడిపోయాయి. అందువలన తెలుగు రాష్ట్రాలతో పాటు ఓవర్సీస్ లోను ఈ సినిమా భారీ వసూళ్లతో దూసుకుపోతోంది.
ఏప్రిల్ 20వ తేదీన విడుదలైన ఈ సినిమా, 10 రోజుల్లో అమెరికాలో 21 కోట్ల గ్రాస్ ను సాధించింది. ఇక ఆస్ట్రేలియాలో 2.23 కోట్ల గ్రాస్ ను రాబట్టింది. ఈ ప్రాంతాల్లో మహేశ్ మూవీ ఇంత సమయంలో ఈ స్థాయి వసూళ్లను సాధించడం ఇదే ఫస్టు టైమ్ అని అంటున్నారు. ఫుల్ రన్ ముగిసేనాటికి ఈ సినిమా మరిన్ని వసూళ్లను రాబట్టడం ఖాయమని చెబుతున్నారు. మొత్తానికి మహేశ్ విదేశాల్లోను విజయవిహారం చేస్తున్నాడు.
ఏప్రిల్ 20వ తేదీన విడుదలైన ఈ సినిమా, 10 రోజుల్లో అమెరికాలో 21 కోట్ల గ్రాస్ ను సాధించింది. ఇక ఆస్ట్రేలియాలో 2.23 కోట్ల గ్రాస్ ను రాబట్టింది. ఈ ప్రాంతాల్లో మహేశ్ మూవీ ఇంత సమయంలో ఈ స్థాయి వసూళ్లను సాధించడం ఇదే ఫస్టు టైమ్ అని అంటున్నారు. ఫుల్ రన్ ముగిసేనాటికి ఈ సినిమా మరిన్ని వసూళ్లను రాబట్టడం ఖాయమని చెబుతున్నారు. మొత్తానికి మహేశ్ విదేశాల్లోను విజయవిహారం చేస్తున్నాడు.
