సురేందర్ రెడ్డి చేతుల మీదుగా 'బంగారి - బాలరాజు' టీజర్ రిలీజ్

రాఘవ్ .. కరణ్య కత్రీన్ నాయకా నాయికలుగా 'బంగారి - బాలరాజు' సినిమా రూపొందుతోంది. రఫీ - రాఘవేంద్ర రెడ్డి నిర్మిస్తోన్న ఈ సినిమాకి, కోటేంద్ర దుద్యాల దర్శకుడిగా వ్యవహరిస్తున్నాడు. తాజాగా ఈ సినిమా టీజర్ ను దర్శకుడు సురేందర్ రెడ్డి చేతుల మీదుగా రిలీజ్ చేయించారు.

టీజర్ ను రిలీజ్ చేసిన సురేందర్ రెడ్డి చెబుతూ, టీజర్ చాలా బాగుందంటూ తన అభిప్రాయాన్ని వ్యక్తం చేశారు. ఈ సినిమా తప్పకుండా హిట్ అవుతుందంటూ, టీమ్ కి ఆల్ ది బెస్ట్ చెప్పారు. ఈ సందర్భంగా ఈ సినిమా దర్శకనిర్మాతలు మాట్లాడుతూ, 'సైరా' సినిమా పనుల్లో బిజీగా ఉన్నప్పటికీ .. సురేందర్ రెడ్డి తమ ఆహ్వానాన్ని మన్నించడం పట్ల కృతజ్ఞతలు తెలియజేశారు. ఫిబ్రవరి 14వ తేదీన థియేట్రికల్ ట్రైలర్ ను రిలీజ్ చేసి, మార్చిలో సినిమాను విడుదల చేయనున్నామని అన్నారు.