మహేశ్ .. చరణ్ లకు బాలకృష్ణతో పోటీ తప్పనట్టే!

ప్రస్తుతం మహేశ్ బాబు .. కొరటాల శివ దర్శకత్వంలో 'భరత్ అను నేను' సినిమా చేస్తున్నాడు. ఈ సినిమాను సంక్రాంతికి విడుదల చేయనున్నట్టు చెప్పారు. సుకుమార్ దర్శకత్వంలో చరణ్ చేస్తున్న 'రంగస్థలం 1985' సినిమాను కూడా సంక్రాంతికే విడుదల చేస్తున్నట్టు చెప్పారు. ఇక కె.ఎస్.రవికుమార్ తో బాలకృష్ణ సినిమా కూడా సంక్రాంతికే రానున్నట్టు వార్తలు వచ్చాయి.

అయితే ఈ సినిమా ఇంకా మొదలు కాలేదు కనుక కష్టమే అనుకున్నారు. కానీ అంచనాలను తలక్రిందులు చేస్తూ ఈ సినిమా రెగ్యులర్ షూటింగ్ మొదలైపోయింది. ఇక షూటింగ్ అప్పటివరకూ పూర్తవుతుందా? అనే సందేహం కూడా కొందరిలో వ్యక్తమైంది. ఆ సందేహాన్ని కూడా పటా పంచలు చేసేస్తూ .. నాలుగు నెలల పాటు నిర్విరామంగా ఈ సినిమా షూటింగ్ జరగనుందని చెబుతున్నారు . డిసెంబర్ నాటికి సినిమాను పూర్తి చేసి జనవరిలో విడుదల చేయడం ఖాయమని అంటున్నారు. కనుక మహేశ్ .. చరణ్ లకు .. బాలకృష్ణతో పోటీ తప్పదనే చెప్పాలి.