'పైసా వసూల్' టీజర్ ను సిద్ధం చేస్తున్నారు!

'పైసా వసూల్' సినిమా ఫస్టు లుక్ వచ్చిన దగ్గర నుంచి బాలకృష్ణ అభిమానులు టీజర్ కోసం ఆసక్తిగా ఎదురుచూస్తున్నారు. దాంతో సాధ్యమైనంత త్వరగా టీజర్ ను ఫ్యాన్స్ ముందుకు తీసుకురావడానికి ఈ సినిమా టీమ్ రెడీ అవుతోంది. ఈ నెల 28వ తేదీన ఉదయం 10:10 గంటలకు టీజర్ ను రిలీజ్ చేయడానికి సన్నాహాలు చేస్తున్నారు.

 సినిమాలోని భారీతనం .. మాస్ అంశాలు టీజర్ ద్వారా ఆవిష్కరించి, మరింతగా అంచనాలు పెంచేలా జాగ్రత్తలు తీసుకుంటున్నారట. ఇంతవరకూ బాలకృష్ణ సినిమాల్లో 40 కోట్ల బడ్జెట్ హయ్యెస్ట్ గా నిలిచింది. ఈ సినిమాకి మాత్రం ఇంతవరకూ 47 కోట్లు ఖర్చు చేశారట. మరో మూడు కోట్లవరకూ ఖర్చయ్యే అవకాశాలు ఉన్నాయని అంటున్నారు. అలా బాలకృష్ణ  కెరియర్లోనే అత్యధిక బడ్జెట్ తో రూపొందుతున్నదిగా ఈ సినిమా క్రేజ్ ను సంపాదించుకుంది.