పరమశివుడిని అనుదినము అభిషేకించాలి .. ఆరాధించాలి. అందుకు వీలుకుదరని పక్షంలో సోమవారం రోజునైనా ఆయనని సేవించాలి. శివయ్యకి సోమవారం ఎంతో ప్రీతికరమైన రోజుగా చెప్పబడుతోంది. సోమవారం రోజున చేసే శివపూజ అధిక ఫలాలను ఇస్తుందని ఆధ్యాత్మిక గ్రంధాలు చెబుతున్నాయి. ఒకవేళ ఆ స్వామిని సోమవారం కూడా పూజించలేకపోయినవారికి, 'మాస శివరాత్రి' పేరుతో ఆయన మరో అవకాశం ఇచ్చాడు.
మాస శివరాత్రి మహా శివుడికి అత్యంత ఇష్టమైన రోజు. ఈ రోజున అత్యంత భక్తి శ్రద్ధలతో స్వామిని పూజించడం వలన, మాసమంతా స్వామిని సేవించిన ఫలితం దక్కుతుందని చెప్పబడుతోంది. శివుడు ప్రదోష వేళలో (సాయం సమయంలో) ఆనంద తాండవం చేస్తూ ఉంటాడనీ, ఆ సమయంలో సమస్త దేవతలు అక్కడికి చేరుకుంటారనే విషయం ఆధ్యాత్మిక గ్రంధాలలో కనిపిస్తుంది. ఆ సమయంలో ఆయనని పూజించడం వలన మరింత విశేషమైన ఫలితం చేకూరుతుంది.
అందువలన మాస శివరాత్రి రోజున ఉపవాస దీక్షను చేపట్టి .. ప్రదోష వేళలో శివుడిని ఆరాధించి .. ఆయన లీలావిశేషాలను స్మరిస్తూ .. స్తుతిస్తూ జాగరణ చేయవలసి ఉంటుంది. ఇక ఈ రోజున శివాలయానికి వెళ్లి అక్కడ దీపాన్ని వెలిగించడం ముఖ్యమైనది. శివుడి సన్నిధిలో దీపం వెలిగించడం వలన, సమస్త పాపాలు .. దోషాలు నశించి .. అనంతమైన పుణ్యఫలాలు లభిస్తాయని స్పష్టం చేయబడుతోంది.
మాస శివరాత్రి మహా శివుడికి అత్యంత ఇష్టమైన రోజు. ఈ రోజున అత్యంత భక్తి శ్రద్ధలతో స్వామిని పూజించడం వలన, మాసమంతా స్వామిని సేవించిన ఫలితం దక్కుతుందని చెప్పబడుతోంది. శివుడు ప్రదోష వేళలో (సాయం సమయంలో) ఆనంద తాండవం చేస్తూ ఉంటాడనీ, ఆ సమయంలో సమస్త దేవతలు అక్కడికి చేరుకుంటారనే విషయం ఆధ్యాత్మిక గ్రంధాలలో కనిపిస్తుంది. ఆ సమయంలో ఆయనని పూజించడం వలన మరింత విశేషమైన ఫలితం చేకూరుతుంది.
అందువలన మాస శివరాత్రి రోజున ఉపవాస దీక్షను చేపట్టి .. ప్రదోష వేళలో శివుడిని ఆరాధించి .. ఆయన లీలావిశేషాలను స్మరిస్తూ .. స్తుతిస్తూ జాగరణ చేయవలసి ఉంటుంది. ఇక ఈ రోజున శివాలయానికి వెళ్లి అక్కడ దీపాన్ని వెలిగించడం ముఖ్యమైనది. శివుడి సన్నిధిలో దీపం వెలిగించడం వలన, సమస్త పాపాలు .. దోషాలు నశించి .. అనంతమైన పుణ్యఫలాలు లభిస్తాయని స్పష్టం చేయబడుతోంది.
